Аққайнар киелі орнындағы сенбілік 

Аққайнар киелі жерінің аянышты халі туралы бірнеше рет жазғанбыз. Петроглифтер тастар, қоқыс үйінділері және басқа да адам әрекетінің іздерінен көрінбей қалған. Мұның бәрі біздің ата-бабаларымызға деген, жерімізге деген көзқарасымызды көрсетеді. 😕
Сенбі күні, 18 қарашада киелі жерде сенбілік өтті. Оған “Жастар рухы” атынан шыққан жастар, “Таңбалы” қорық-музейінің қызметкерлері, Алматы облысы әкімдігінің өкілдері, сондай-ақ “Петроглифтер аңшылары” қоғамдық бірлестігінің еріктілері қатысты. Киелі орынның айналасына шашылған бірнеше қап қоқыс жиналды.😉

“Петроглифтер аңшылары” ұйымының үйлестірушісі Ольга Гумирова тарихи ескерткіштерді сақтаудың маңыздылығына тоқталды. Бізді қасиетті орынның жақсы сақталған бөлігіне апарып, бізге бүгінгі күнге дейін сақталған көне суреттердің қандай екенін көрсетті. Қатысушылар сенбілік орнында көп нәрсеге қанықты.👆

Мынадай бір аңыз еске түседі:
“Бір күні орманда қатты өрт шықты. Өрттен үрейленген құстар үйлерінен шығып, апат орнынан тез арада кетуге тырысқан. Ал бір ғана қарлығаш сол маңайда ағып жатқан өзенге ұшып келіп, тұмсығымен суды сорып алып, кері қарай ұмтылды. Таң қалған басқа құстар:
- Сен не істеп жатырсың? – деп сұрады.
- Тұмсығыңдағы бір тамшы су өртті тоқтатады деп ойлайсың ба?
- Жоқ, - деп жауап берді қарлығаш. - Бірақ мен білемін, егер әрқайсымыз бір тамшы алсақ, орманға нағыз жаңбыр жауатын еді. Және ол ең үлкен жалынды да сөндіреді!”🫶
Бұл сенбілік те осындай оқиғалардың себепшісі болып, тек “Аққайнарды” ғана емес, бүкіл жерімізді қоқыстан тазартамыз деп сенеміз!🙏