Қаратал өзені аңғарының құпиясы 

Кейде аяғымыздың астында ежелгі құпиялардың жатқанын байқамай да қаламыз.🤔 Жетісу облысы Текелі қаласының бойында Қаратал өзені ағып жатыр. Оның аңғарында бірнеше метр қашықтықта ғана жартасқа шығатын жанданған магистраль бар. Мұнда қола дәуірінен бастап этнографиялық кезеңге дейінгі аралықты қамтитын петроглифтер кездеседі.☝️

Жергілікті өлкетанушылар олардың арасынан нағыз қазынаны - шамамен үш мың жыл бұрын пайда болған суреттері әдемі сақталған тас тақтайшаны тапты.

Күрделі көрініс шамамен үш жарым метр болатын тастың бетіне толық салынған. Ежелгі суретшілер оған әртүрлі жануарларды, олардың өміріндегі көріністерді, сондай-ақ бірқатар геометриялық сызбаларды мұқият түсірген. Суреттер мен композицияны осындай ыждаһаттылықпен салған біздің ата-бабаларымыздың оған ерекше мән бергенін көрсетеді.👌

Оның не екенін және қандай функцияларды атқарғанын зерттеп-зерделеу археолог ғалымдардың еншісінде. Әзірге бұл тақта ежелгі уақытта күнтізбенің бір түрі бола алғанын болжаммен ғана айта аламыз. Оның көмегімен табиғи циклдардың өзгеруі байқалды және оларға байланысты рәсімдер жүргізілді.

Бірақ бұл өлкетанушылардың бірі айтқан болжам ғана. Ғалымдар бізге өте ертеден келіп жеткен бұл құпияны ыждаһаттылықпен зерделеп, нақты мәлімет береді деп үміттенеміз.🙏

Суретті түсірген Сергей Алексеенок