Girocus off horror
Kechasi. Shahar sokin. Faqat bitta xonada chiroq yonib turar edi.
Eshik taqilladi.
Sovuq va chuqur ovoz eshitildi:
— Kir.
Eshik ochildi. Qo‘riqchi kirib, bosh egdi:
— Janob, siz so‘ragan ma’lumotlar tayyor. Bu oila — Donwook oilasi. Qiz esa uning kichik qizi ekan.
Xonada sukunat cho‘kdi.
Orqasini o‘girgancha o‘tirgan Taehyung — mafiya sardori, Girucos nomi bilan mashhur — sovuq ovozda buyurdi:
— Menga qizning butun kunlik jadvalini topib kel. Yoshi, ismi, qachon va qayerda bo‘lishi, hammasini aniq bilmoqchiman.
Qo‘riqchi yana bosh egib chiqib ketdi.
Telefon stol ustida vibratsiya qildi.
Ekranda: Jimin.
Taehyung telefonni ko‘tardi:
— Gapir.
Jiminda nafrat aralash sokin ovoz eshitildi:
— V, bu safar o‘yin sen xohlagandek emas. Qoidalarni endi men o‘zgartiraman.
Taehyung mayin kulimsiradi:
— O‘yin faqat sabrli bo‘lganlarga yoqadi, Jimin. Sen esa har doim shoshilasan.
Isul maktabdan qaytayotgan edi. Qorong‘u ko‘chada yolg‘iz yurar, yuragida bir turli bezovtalik bor edi.
Orqasidan muloyim, lekin sirli ovoz eshitildi:
— Kechirasiz... juda shoshilyapsizmi?
Qiz sekin orqaga qaradi.
Qora palto kiygan, baland bo‘yli, sovuq ko‘zli yigit turgan edi.
— Men Taehyunman, — dedi u jilmayib. — Sizni tez-tez shu yo‘lda ko‘raman.
Isul ehtiyotkorlik bilan javob berdi:
— Men Isul.
Taehyung kulimsiradi:
— Ismingiz chiroyli. Sizga juda mos tushadi.
Isul biroz jilmaydi:
— Siz doim begona odamlarni shunchalik qiziqib kuzatasizmi?
— Faqat o‘zgacha bo‘lganlarni, — dedi Taehyung sirli ovozda.
Isul yuragini bezovta his qilib, xayrlashdi:
— Kechirasiz, men kech qolyapman.
Taehyung orqasidan ohista pichirladi:
— Eng beg‘ubor ko‘rinish ortida ham eng qorong‘u sir yashiringan bo‘lishi mumkin...
Isul yuragini siqib, uyga shoshdi.
Taehyung telefonga yozdi:
"Ma’lumot tasdiqlandi. Qiz hushyor. Keyingi bosqichga tayyorlaning."
Orqa fonda sokin, yurak urishlarini eslatuvchi musiqa chalingandek bo‘ldi.
O‘yin boshlandi.
Isul uyga kirganda, mehmonxona iliq edi.
Otasi Donwook gazetani ko‘rmoqda, onasi choy tayyorlayotgan edi.
— Keldingmi, qizim? — dedi onasi tabassum bilan.
Shu payt uning egizagi Suna yugurib chiqdi:
— Isul! Bugun film ko‘ramizmi? Men tanlayman!
— Yana romantika bo‘lsa kerak-da, — dedi Isul kulib.
— Balki! — Suna kuldi. — Yurak ham ba’zida shirin ertakka muhtoj!
Eshik qo‘ng‘irog‘i chalinib qoldi.
Donwook eshikni ochdi.
U yerda Jungkook va uning rafiqasi — Mina turar edi.
— Assalomu alaykum, — dedi Jungkook.
Ularni iliq kutib olishdi.
Mina mehmonxonaga kiriboq nigohini Isulga qadadi.
— Sen Isulsanmi? — dedi u ohista. — Juda chiroyli qiz ekansan.
Isul odob bilan jilmaydi:
— Rahmat. Siz Mina xonimsizmi?
Mina qizni sinchiklab kuzatdi:
— Ha. Lekin bilasanmi, sening ko‘zingda g‘alati bir narsa bor. G‘oyatda sirli ko‘rinishing bor...
Isul biroz ortga chekindi:
— Bilmayman... men oddiy qizman.
Mina jilmaydi, lekin nigohi qattiq qoldi:
"Demak, Taehyung bejiz qiziqmayapti..."
Jungkook yengil turtdi:
— Mina, bas qil.
Mina yuzida shirin tabassum qilib orqaga o‘tdi.
Choy ustida oddiy suhbat ketdi.
Lekin Minaning nigohi doimo Isulda edi. Har bir harakatini tekshirib, sirli kuzatardi.
O‘yin boshlangani hech kimga ayon emas edi. Ammo kimdir allaqachon qopqonda edi.