Ustunlarni Olovdan Himoyali KNAUF-Superqoplamalari / KNAUF-Fayerbord Plitalari Bilan Qoplash
Po’lat ustunlarning olovdan himoyali qoplamalari sifatida gips tolali KNAUF-superqoplamalarini (GOST R 51829-2001) yoki KNAUF-Fayerbord (TU 5742-006-01250242-2009) maxsus yonmaydigan plitalarini qo’llash tavsiya etiladi. Ular turar joy, jamoat va ishlab chiqarish binolarida qurilish konstruksiyalarining yong’inga xavfliligini kamaytirish va (yoki) olovbardoshliligini oshirish uchun qo’llaniladi. Olovdan himoyali berkitmalarni qo’llash quyidagi imkoniyatlarni yaratadi:
- Metall konstruksiyalarning talab darajasidagi olovdan himoya samaradorligini ta’minlaydi;
- Sermehnat «ho’l» jarayonlardan xalos qiladi;
- Montaj va bo’yash jarayonlarini mehnat hajmini sezilarli darajada qisqartiradi, ularning sifatini oshiradi;
- Olovdan himoyalangan berkitmalar dekorativ pardoz bilan uyg’unlashadi. Olovdan himoyalangan berkitmalar keyingi turli xil dekorativ pardozlar (suv emulsiyali bo’yoqlar, keramik plitkalar va boshqalar) uchun tayyorlanadi.
Olovdan himoyaning bunday uslubi qurilish konstruksiyasi va inshootlarning vaznini ozgina oshiradi, shu sababli u rekonstruksiya qilinayotgan binolarda eng samarali hisoblanadi. Bunday uslub bilan olovdan himoyalash ishlarini ekspluatatsiya rejimlarini buzmasdan amalga oshirish mumkin (ikki, uch yoki to’rt qatlamli berkitma).
Kerakli Materiallar (Taxminan)
- KNAUF-superqoplamasi (varaq) / KNAUF-Fayerbord (varaq) — gabarit o’lchamlari va konstruksiyaning balandligiga qarab.
- Ruxlangan po’lat burchakli profil 50×30×0,7 — konstruksiyaning gabarit o’lchamlariga qarab.
- Burchakni himoyalovchi KNAUF-profil PU 31 — konstruksiyaning balandligiga qarab.
- Ankerli metall dyubel 6×49 mm — taxminan bitta konstruksiyaga 8 dona.
- O’zi kesuvchi vint (KNAUF-superqoplamalar uchun)/ TN (KNAUF/Fayerbord uchun) — konstruksiyaning balandligi bo’yicha qadam 150 mm.
- Himoyali burchakni mahkamlash uchun o’zi kesuvchi vint — pog’ona metriga 10 dona.
- KNAUF-profil PP 60×27 — gabarit o’lchamlari va konstruksiyaning balandligiga qarab.
- PP 60×27 profilni ustunga mahkamlash uchun qisqich — ustun balandligi bo’ylab 1 metrlik masofada bir-biridan joylashtiriladi.
- KNAUF-Fugen (KNAUF-superqoplamalar uchun) va KNAUF-Uniflot (KNAUF-Fayerbord uchun) shpaklevka qorishmasi — −0,3/0,5 kg/m².
Toshkent shahri, Shaxrisabz ko’chasi, 2
@info-uz@knauf.com
► www.knauf.uz
Eslatma: KNAUF material va konstruksiyalarning asosiy parametrlariga ta’sir qilmaydigan o’zgarishlarni kiritish huquqini o’zida saqlab qoladi. Barcha texnik xususiyatlar KNAUF firmasi tavsiya qilgan materiallardan foydalangan holda ta’minlanadi. Materiallarni qo’llashga doir barcha ko’rsatmalar muayyan hisob-kitobga asoslangan bo’lib, ko’rsatilganidan farq qilgan holatda aniqlashtirilishi talab etiladi. Qo’shimcha maslahat uchun KNAUF texnik xizmatiga murojaat qiling.