SHAYX MUHAMMAD NASIRUDDIN AL-ALBANI Salafiylik atamasi haqida
Shayx Alboniy salafiya atamasini va undan foydalanishning ahamiyatini mukammal tushuntirib bergan.
Bir kishi Shayx Alboniydan «salafiya» atamasi haqida so'raganida, shayx unga aytdi: “Agar sizdan: «Siz qaysi mazhabga mansubsiz?» deb so'rasalar, nima deb javob berasiz?”
U kishi: "Men Qur'on va Sunnatga ergashuvchi musulmonman deb javob beraman", dedi.
Shayx Alboniy: "Biroq, bu yetarli emas" dedi.
U javob berdi: "Alloh taolo bizni musulmonlar deb atadi: «U (Alloh) sizlarni musulmonlar deb nomladi» (Haj 22:78).
Shayx Alboniy shunday dedi: «Agar bu javob Islom tarqalishining dastlabki yillarida, bugungi kunda mavjud bo'lgan turli xil adashgan oqimlar yo'qligida berilgan bo'lsa edi to'g'ri bo'lar edi. Agar biz bugungi kunda e'tiqodimiz biznikidan farq qiladigan odamga shunga o'xshash savol bersak, u ham xuddi shunday javob beradi. Shia-rafiditlar, shialar-alaviylar, havorijlar va shu kabi barcha adashgan oqimlar: «Biz musulmonmiz», deb aytishadi. Biroq, bizning davrimizda bu javob yetarli emas».
U kishi javob berdi: "Men musulmonman, deb aytaman".
Shayx Alboniy: "Va bu ham yetarli emas" dedi.
U so'radi: "Nima uchun?"
Shayx Alboniy: «Adashgan sektalardan shuni aksini da'vo qiladigan biron bir misol keltira olasizmi? Masalan, ular: «Biz Qur'on va Sunnatga ergashmaydigan musulmonmiz», deb aytishsa. Albatta, ular: «Biz Qur'on va Sunnatga ergashgan musulmonlarmiz», deyishadi.
U aytdi: "Unda men aytamanki, men Qur'on va Sunnatga ergashgan va uni salaflar tushunganidek tushunadigan musulmonman."
Shayx Alboniy so'radi: "Agar sizdan so'ralsa, xuddi shunday javob berasiz: siz qaysi mazhabga mansubsiz?"
U: «Ha», - deb javob berdi.
Shayx Alboniy: "Bu holatda, bu iborani qisqacha qilib aytish yengil bo'lmas edimi: «Men salafiyman», ushbu so'z bu tushunchani boshqalarga qaraganda yaxshiroq tushuntirishini hisobga olgan holda.
Shayx Alboniyning bu tushuntirishidan so'ng u kishi: “Mayli, men siz bilan qo'shilaman. Ammo kimdir mening: «Men salafiyman» deganimni eshitsa, u bizdan oldin o'tganlarning shafqatsizligi va yomon ishlari haqida o'ylashi mumkin, chunki salafiylar orasida ham shunday narsalar kuzatilgan".
Shayx Alboniy: “Aytaylik, sizning so'zlaringiz rost. Shunda siz: «Men musulmonman», desangiz, savol beruvchi sizni shia-rafidiy yoki shia-ismoiliy deb o'ylayolmaydimi?!"
U javob berdi: "Ehtimol, ammo mening so'zlarim hech bo'lmaganda oyatga to'g'ri keladi: «U (Alloh) sizlarni musulmonlar deb nomladi» (al-Haj 22: 78).
Shayx Alboniy shunday dedi: "Yo'q, birodarim, siz bu oyatga bo'ysunmadingiz, chunki bu oyat haqiqiy Islomni aks ettiradi. Odamlarni tushunishini hisobga olishingiz kerak. Kimdir sizning so'zlaringizdan siz ushbu oyatda eslatib o'tilgan musulmonlardan ekanligingizni tushuna oladimi? Sizning boshqa so'zlaringiz, bir tomondan, to'g'ri, ammo boshqa tomondan, unday emas. Shafqatsizlikka kelsak, shuni ta'kidlash kerakki, bu ma'lum bir odamda o'zini namoyon qilishi mumkin, ammo bu uning e'tiqodi bilan hech qanday bog'liq emas va manhajning ko'rsatkichi emas. Agar biz biron bir shia, havorij, so'fiy yoki mu'taziliylarni muhokama qilishni boshlasak, yuqorida aytilganlarni ular orasida topish mumkin. Ammo, hozirgi paytda bu bizning muhokamamiz mavzusi emas. Biz insonning mazhabini ochib beradigan atamani, shuningdek, u qanday qilib Alloh taologa ibodat qilishini tahlil qilyapmiz. Alloh ulardan rozi bo'lsin, sahobalar musulmon emasmidi? "
U javob berdi: "Ha, albatta".
Shayx Alboniy: “Shunga qaramay, ular orasida o'g'irlik va zinokorlik holatlari bo'lgan, ammo ular o'zlarini musulmon deb atashdan to'xtamadilar. Ular tanlangan yo'lga ergashgan musulmon va Allohga iymon keltirgan edilar. Ba'zan ular xato qilgan holda, bu yo'ldan og'ishdi. Shu sabab bilan, Alloh sizni marhamatlasin, biz o'z e'tiqodimiz, tushunchamiz, munosabatimiz va dinimizni ifoda etuvchi salafiya so'zi haqida gapirayapmiz. " Sl. "Ana salafiy" va qarang "Majalla al-Asal" № 9, 86-87 betlar.