Шайх Махир Аль - Кахтани Сулаймон Улвон, Абдул Азиз Торифи ва Холид Ар Рашид ҳақида
Савол берувчи: Абдул-Азиз Ат-Тарифий, Сулаймон Ал-Улван ва Холид Ар-Рашид каби шайхларнинг ёзувларини тинглаш мумкинми, улар Аҳли Суннаданми?
Шайх Махир Аль - Кахтани: Эй Россиядан Сулаймон Улвон, Абдул Азиз Торифи ва Холид Ар Рашид ҳақида савол сўраётган биродарим... Улар салафлар йўлига эргашишлари билан танилмаганлар, аммо улар шубухатлар орқали ҳукуматни ағдаришга интилаётган такфирчилар йўлидадирлар.
Улар ёшларга улар ҳокимларга қарши чиқишлари учун фатволар ҳам беришди. Шу сабабдан Муҳаммад бин Салмон ва унинг ўринбосарлари бошчилигидаги ҳукумат уларни тўхтатди (қамоққа ташлади). Улар одамларни уларнинг зараридан ҳимоя қилишди. Чунки улар ўз-ўзини портлатишга рухсат беришган. Биродарим мен сизга бу одамларни тингламасликни насиҳат қиламан. Сизга Россияда бу одамларни тинглашни маслаҳат бераётганларни тарк этинг ва улардан узоқ бўлинг.
Шайх Солиҳ Ал-Фавзан ва бошқа суннат уламоларининг жонли эфирларини тингланг. Дарсларига қатнашинг. Ва уларни (адашганларни) ва уларнинг китобларини тарк этинг. Ибн Қудама Ал Мақдиси ўзининг китобида (Ишонч порлаши = Блеск убеждения) айтганидек: "Нафсига эргашганларни китобини ўқиб бўлмайди". Яна Ҳасан Ал Басрий айтган: "Бидъатчилар билан бирга ўтирманг, уларни эшитманг ва улар билан бахслашманг".
Ва бу сўзларнинг барчаси шахсан улар билан боғлиқ бўлган бидъатлар ҳақида айтилган, шундан сўнг мусулмонларнинг қонини тўкишга олиб келадиган бидъатлар ҳақида нима ҳам дейиш мумкин?!, "Иҳвонул муслимин", "Суруритлар" ва уларга ўхшаганлар ўзларининг ичларида хиёноткор эътиқодларини яширадилар.
Ҳукмдорлар уларни тўхтатаётгани ва ерни улардан (адашганлардан) тозалашдан тўхтаб қолмаётганликлари учун Аллоҳга ҳамдлар бўлсин. Ва ҳозир бизнинг мамлакатимиз Саудия Арабистонида ҳукумат масжидларни ҳаворижларнинг мазҳабини мақтаб, ўзларининг хиёнатларини кўрсатган хатиблардан тозалаётгани маълум.
Бизнинг мамлакатимизни ва сизни юртингизни ёмонлик қўзғатувчилардан, фосиқларнинг фитналаридан ҳимоя қилишини ва сўзларимизни суннатда бирлаштиришини, ва яна биз ҳукмдорларга муносабатда салафлар йўлини тутишимизлигимизни, бу эса уларга ҳурмат кўрсатиш ва қарши чиқмасликдир, ва яна биз адаштирувчи адашганларни тинглашни тарк этишимизни Аллоҳдан сўрайман. Ибн Таймия айтганидек: "Адашганлардан огоҳлантириш уламоларнинг ижмоси бўйича вожибдир" ва бу билан биз олимларни ҳақорат қилаётган ҳисобланмаймиз, бундан ташқари бу адашганлардан огоҳлантиришдир.