Кшталт Слова. Паэтычны выезд #1. Познань. Выступоўцы. Частка 1.
Каб азнаёміць вас з выступоўцамі Паэтычнага Выезду #1, мы запыталіся ў іх наконт жыцьцёва важных пытаньняў, а таксама папрасілі пагадаць на Сымпазыёне Плятона, каб даведацца ня толькі сьвядомыя адказы, але й надсьвядомыя.
Ільля Сініца
Здаецца нішто не змянілася Ўсё так жа дарма лямантуе будзільнік А шэрае неба цэдзіць святло Кропля за кропляй Гарбата шукае цяпла Маёй рукі а вусны тым часам Звяжуць пару няздарных радкоў Перад усясветным патопам Стол рыпне лампа засвеціць і стухне Хтосьці пазвоніць То з цьмянай пагрозай То з немачнай просьбай Сонца паціху самлее Дзень распадзецца на цені І я разам з ім Спакойны Нібы сплаціўшы Пазыку.
1. Чаму будзе прысьвечаны твой выступ?
— Іншаму жыццю, нават нейкаму іншаму чалавеку, пра якога я ўсё жыццё пішу.
— Познань — сталіца пазнання і ведаў. (Γνώπολις — Гнопаліс.) Таксама тут смачныя рагалікі і таннае піва.
3. Гаданьне па Сымпазыёну й Іёну Плятона. Мы папрасілі Ільлю задаць пытаньне сусьвету, а потым напісаць радок і старонку. Вось што атрымалася:
Пытаньне: "Што здарылася ў аляхновічах у 2012-ым?"
Адказ: "Міхасю Кавылю выражаецца гэтым падзяка за ягоны ветлівы і рачовы ўгляд у пераклад вершаванага тэксту".
Гергеталі курыцы, Немцы йшлі па вуліцы. Групай ціснуліся ў "Мак", Гаварылі "ґутэнтаґ!"
А на ґанку біч аскаў На бутэльку Liebe Frau. Ехала міліцыя. Добры дзень, сталіца, бля...
1. Чаму будзе прысьвечаны твой выступ?
— Бязбацькаўшчыне, хрысьціянскаму артадаксальнаму гомаэратызму і сьвятому духу рок-н-рола.
— Познань — гэта сталіца райцэнтраў.
3. Гаданьне па Сымпазыёну й Іёну Плятона. Мы папрасілі Андрэя задаць пытаньне сусьвету, а потым напісаць радок і старонку. Вось што атрымалася:
Пытаньне: "Чаму вам у вашай Варшаве не сядзелася?"
Адказ: "Я паспрабую пераказаць вам усё па парадку, гэтак, як той мне расказваў".
Сац.Сеткі музыкі й паэта: https://t.me/upskup
Аляксадр Клюеў
Не задрэмле ціхі месяц, ліхі, Ён лічыць старыя грахі. Яго рэбры ныраюць шчарбатай касой У нялёгкія воблакі бруднай вясной.
Дрэвы гнуцца і нялёгка скрыпяць, Пад крываваю поўняй нялёгка ім спаць. Іх словы ўзнясліся увысь Каб доўгаю думкай часінкам сысцісь.
Дзесь квёлае цела ляжыць, Пад сіверам з жалем дрыжыць. За спінаю толькі сырая зямля, А уверсе апошняя квадра пайшла.
Ты ўстрапяніся і коўдру сваю адагні. Старык нахіліўся, каб потым ўзыйшоў маладзік.
1. Чаму будзе прысьвечаны твой выступ?
— Пакажу тое сёе з таго, што начырыкаў, пераважна рыхтуючыся да гэтага выступу. Недзе будзе міла, недзе будзе брыдка. Недзе буду крыху спяваць, недзе — дэкламаваць. Недзе будзе плынна, недзе — ірванае графаманства. Усё як мы любім.
3. Гаданьне па Сымпазыёну й Іёну Плятона. Мы папрасілі Аляксандра задаць пытаньне сусьвету, а потым напісаць радок і старонку. Вось што атрымалася:
Пытаньне: "у чым сутнасць бібак?"
Адказ: "I няхай Эрыксімахос ня думае рабіць жарт з мае мовы, мяркуючы, быццам я маю на ўвазе Паўзняліса і Агатона".