Кшталт Слова. Паэтычны Вечар #4. Выступоўцы. Частка 3.
Каб азнаёміць вас з выступоўцамі Паэтычнага Вечара #4, мы запыталіся ў іх наконт жыцьцёва важных пытаньняў, а таксама папрасілі пагадаць на альбому "Сьвяты Вечар", каб даведацца ня толькі сьвядомыя адказы, але й анты-сьвядомыя.
Uładz Lankievič
купляю штораз ежы менш
каб голад выганяў з кватэры часцей.
самота ва ўсім.
ці памагло б, калі б мяне касірка абняла?
быць можа далонь закране
калі будзе рэшту даваць?
бязлюдны востраў, але ж мы тут
паскудны монстар зацягне ў кут
я сёння навін не чытаў
галоўнае само даляціць.
цела доўгай белай хмары расколецца
як века крышталёвае труны.
хай промні ўшчэнт пасякуць
мой горад імжы ды хаўтур
так рэдка сонца і дзьмухаўцы
самазабойца адклаў на потым
суіцыд
гора горада сонца — уласна сонца тут няма
слабасць горада хмар — вострыя промні прамяні
промні прамяні промені промні прамяні
промні прамяні помні памяні
1. Чаму будзе прысьвечаны твой выступ?
— мой выступ прысвячаецца дню народзінаў Джыма Морысана.
2. Хто ты з калядных вобразаў?
3. Гаданьне па альбому "Сьвяты Вечар". Мы папрасілі Ўладзя задаць пытаньне сусьвету, а потым напісаць песьню і радок. Вось што атрымалася:
Пытаньне: "куды мы ўсе разам ляцім?"
Адказ: "Gloria, gloria in excelsis Deo!"
Сац. Сеткі Музыкі: www.instagram.com/liankievic/
Andruś Kapeła
Гэтым разам гурт Andruś Kapeła зайграе дуэтам, які складаецца з непасрэдна Андруся Такінданга і гітарыста Андэрэя Лугіна. Абодва ўдзельніка далі нам свае кранальныя адказы на трапныя пытаньні.
Andruś Takindang
Доўга дома я не быў, Уначы на поўню выў, Поўсцю шэраю парослы, Воляю пракляты злоснай. У абліччы ў ваўчыным. Тры гады без супачыну. Доўга дома я не быў, У начы на поўню выў.
1. Чаму будзе прысьвечаны твой выступ?
— Я зайграю песні з новага альбому " Car Vužyny".
2. Хто ты з калядных вобразаў?
3. Гаданьне па альбому "Сьвяты Вечар". Мы папрасілі Андруся задаць пытаньне сусьвету, а потым напісаць песьню і радок. Вось што атрымалася:
Адказ: "Зьвіняць званочкі зьвіняць..."
Сац. Сеткі Музыкі: www.instagram.com/takindang
Andrej Luhin
Сувязі Ў цішыні ткуцца, Іх не разарваць Лозунгам гучным.
Пераплятаюцца, Нас не пакідаюць так, Паасобку, У сваіх раскіданых кропках.
Заўсёды, калі ты побач ідзеш - Гэта мастацтва, Затрымаць бы час так. Застаюцца далёка прывычныя межы, Там там там пакідаем маскі. Там там там пакідаем маскі.
Пошукі Патрэбных дазволаў Павялічваюць хаос - Ён становіцца фонам.
Ты ўсё атрымаеш, Калі ўмееш карыстацца свабодай.
Паміж тым, каб ад усяго адрачыся Або каб усё здабыць - Я хачу далучыцца, Я хачу далучыцца Да крокаў тваіх Да крокаў, да крокаў, да крокаў тваіх Да крокаў, да крокаў, да крокаў тваіх
Заўсёды, калі ты побач ідзеш -
Гэта мастацтва,
Затрымаць бы час так.
Застаюцца далёка прывычныя межы,
Там там там пакідаем маскі.
Там там пакідаем маскі.
Там там там пакідаем
1. Чаму будзе прысьвечаны твой выступ?
2. Хто ты з калядных вобразаў?
3. Гаданьне па альбому "Сьвяты Вечар". Мы папрасілі Андрэя задаць пытаньне сусьвету, а потым напісаць песьню і радок. Вось што атрымалася:
Адказ: "Gloria, gloria in excelsis Deo!"
Сац. Сеткі Музыкі: https://www.instagram.com/znaxtop/