«O‘ZLITINEFTGAZ» АЖда Жанубий Кореянинг бир қатор компаниялари гуруҳи билан саноат хавфсизлиги технологиялари бўйича технологик кун

«NEFTGAZ-MALAKA» ўқув-тадқиқот маркази фаолияти доирасида қўшимча сиқув компрессор станцияларининг утилизация қилинмай қолган иссиқлик энергиясидан электр энергияси ишлаб чиқариш технологиялари, буғни генерациялаш тизимлари, янги турдаги юқори қўшимча қийматга эга бўлган маҳсулотларни, шу жумладан водород ва углерод оксидини ишлаб чиқаришга қаратилган ҳамкорлик истиқболлари юзасидан музокаралар ўтказилди.

Музокаралар 7 нафар Жанубий Корея илмий-технологик компанияларнинг раҳбарлари иштирокида ўтди:

1. GFE Korea GFE Korea Co., Ltd. компанияси раиси Пак Джин Гю

2. Bogang Hitech Co., Ltd. компанияси президенти Пак Сон Вон

3. Green Enertech Co., Ltd. компанияси президенти Чо Чон Хун

4. Intermobility Co., Ltd. компанияси директори Хан Джун Сон

5. Jaeyoung Soft Co., Ltd. компанияси диретори Квон До Ёп

6. FA Dongwha FA Co., Ltd. компанияси директори Ли До Хон

7. Korean Institute of Technical институти президенти Хан Сон У

Музокараларда «Ўзбекнефтгаз» АЖ, Ўзбекистон Республикаси саноат хавфсизлиги Давлат қўмитаси етакчи мутахассислари «O‘ZLITINEFTGAZ» АЖнинг мутахассислари билан биргаликда иштирок этдилар.

Шу билан бирга, музокаларда углеводород хом ашёсини қазиб олиш ва қайта ишлаш объектларининг саноат хавфсизлигини таъминлаш билан боғлиқ соҳаларда «Ўзбекнефтегаз» АЖ мутахассисларининг малакасини ҳамкорликда ошириш фаолиятини ривожлантириш масалаларига ҳам алоҳида тўхталиб ўтилди.

Ўтказилган музокара натижаларига кўра, Жанубий Корея компанияларининг раҳбарлари «O‘ZLITINEFTGAZ» АЖ билан биргаликда юқоридаги йўналишларда тадқиқотлар олиб боришга катта қизиқиш билдирдилар.