«Геологик тадқиқотлар ва углеводород конларини ўзлаштириш самарадорлигини оширишда янгича ёндашув ва инстурментал воситалар» мавзусидаги илмий-амалий конференция

2022 йил 19 августда «O‘ZLITINEFTGAZ» АЖ биносида «NEFTGAZ-MALAKA» ўқув-тадқиқот марказининг очилиши ҳамда «Rock Flow Dynamics» PTE LTD (АҚШ – Россия) компанияси томонидан Технологик кун ўтказилди.

Анжуманда юқори технологияли дастурий-аппарат мажмуаларидан фойдаланган ҳолда нефть ва газ операцияларида геологик ва гидродинамик менежментнинг янги йўналишлари кўриб чиқилди.

Тадбир доирасида, халқаро тоифадаги юқори малакали мутахассисларни жалб қилган ҳолда, Ўзбекистон Республикаси энергетика комплекси мутахассисларининг ўрта ва юқори даражадаги муҳандисларини қайта тайёрлаш бўйича «NEFTGAZ-MALAKA» ўқув-тадқиқот марказининг тантанали очилиш маросими бўлиб ўтди.

Шунингдек, амалдаги ҳақиқий геологик ва гидродинамик моделлар асосида углеводородларни қазиб олишда геологик ва технологик вазиятларни таҳлил қилиш йўналишлари тақдим этилди.

Конференцияда «Rock Flow Dynamics» PTE LTD компаниясининг етакчи мутахассислари ҳамда углеводород хом ашёсининг қатлам резервуарларидан самарали фойдаланиш бўйича лойиҳаларни амалга оширишда катта тажрибага эга бўлган тадқиқот компаниялари иштирок этди.

Тадбир майдончасида бўлажак ҳамкорлар билан янги алоқаларни муҳокама қилиш, нефть ва газ соҳасидаги ишларнинг истиқболли йўналишлари бўйича фикрлар аалмашилди.