Ардақты Пайғамбарымыздың ﷺ Айт намазында жасаған сүннеттері
Айтта тәкбірді* көптеп айту
Пайғамбарымыз аләйһи-с сәләм Рамазанның соңғы күні күн батқаннан айт намазына дейін көптеп тәкбір айтатын.[1] Алла Тағала Құран-Кәрімде былай деп бұйырады:
...وَلِتُكْمِلُوا۟ ٱلْعِدَّةَ وَلِتُكَبِّرُوا۟ ٱللَّهَ عَلَىٰ مَا هَدَىٰكُمْ وَلَعَلَّكُمْ تَشْكُرُونَ
"... Рамазан айын бітірулеріңді, сізге тура жолды көрсеткені үшін Раббыларыңа тәкбір айтып тағзым етулеріңізді қалаймыз" [2]
Ғұсыл дәрет алу
Ардақты Пайғамбарымыз аләйһи-с сәләм, айттың алдында (түнде) айт намазына бармас бұрын [3] ғұсыл-дәрет алатын және жанұясына да ғұсыл-дәрет алуларын талап ететін.[4]
- Таза және әдемі киімдерді кию
- Жағымды иіс су себу
- Тістерді тазалау
- Рамазан айтында намаздан бұрын құрма немесе қандай да бір тәтті нәрсені жеу
Құрбан айттың алдында намаз оқып болған соң жеу.
Пайғамбарымыз Рамазан айтында бір-екі құрмадан жемейінше үйінен шықпайтын. Көбінесе құрманы бір,үш,бес сияқты тақ сандармен жейтін.
Құрбан айтта болса, керісінше, айт намазынан кейін жейтін.[5]
- Айт намазы оқылатын жерге жаяу бару
- Намаз оқитын жерге бару да басқа жолмен, қайту да басқа жолды қолдану.[6]
- Күлімдеп жүру
- Жолда тәкбір* айту
- Садақа беру
- Айт намазын оқып, құтбаны тыңдау
- Айт күнін қасиетті біліп, күнәларынан кешірім сұрап, дұға жасау
- Айт намазын оқып үйге қайтқаннан кейін, үйде 2 рәкәт намаз оқу.[7]
- Ағайынды айтымен құттықтау
- Айттап зиярат қылу
- Айтқа келген қонақтарды шын-ықыласпен күту
- Балаларды, әсіресе, жетім балдарды қуандырып, айтымен құттықтау
- Айтқа қараған түнді; намаз,дұға,зікірмен өткізу.[8]
Айт намазында оқылатын тәкбір
Аллаһу Әкбәр, Аллаһу Әкбәр. Лә иләһә иллаллаһу уаллаһу әкбәр. Аллаһу Әкбәр уә лилләһи-л xамд
[1] Бұxари, ыйдәйн,12
[2] Бақара сүресі/185
[3] Муатта, ыйдәйн, 1; Аxмәд ибн Ханбәл,Мүснәд,4/79 (16840)
[4] ибн Мәжә,иқәмәту-с салауат,169
[5] ибн Мәжә,Сыйәм,49
[6] Бұxари, ыйдәйн,24; Тирмизи,Жұма,30; Тирмизи,Жұма,37; ибн Мәжә, иқәмәту-с салауат,161,162
[7] ибн Мәжә, иқәмәту-с салауат,160
[8] ибн Мәжә, Зекет,68