1 майдан Патент тўлаш учун янги реквизитларни кўрсатиш керак.
2021 йилнинг 1 январидан бошлаб, Россияда солиқ, бож ва суғурта каби тўловларнинг ўтказилиш тартибига ўзгартириш киритилган.
Авваллари солиқлар маҳаллий солиқ инспекциясига тўланарди. Инспекция эса давлат ғазнасига ўтказарди. Январдан бошлаб эса барча давлатга тўланадиган пуллар тўғридан-тўғри ягона федерал давлат ғазнасига ўтказилиши эълон қилинган.
Шунинг учун, тўловлардаги солиқларни қабул қилувчи тарафнинг янги реквизитлари жорий қилингани маълум қилинганди. Янги реквизитларга ўтиш босқичи январдан майгача, деб белгиланганди.
Мигрантлар тўлайдиган патент пуллари ҳам солиқ тури. Шу сабабдан 1 майдан бошлаб, янги реквизитлар (маълумотлар) кўрсатиб,тўланмаган патент пуллари давлатга етиб бормайди. Натижада патент куяди. Лекин 1 январдан 1 майгача бўлган вақт мобайнида тўланган пуллар эски реквизит билан ўтказилган бўлса ҳам давлатга етиб борган. Шунинг учун 1 майгача тўланган пуллардан хавотир олманг.
1 майдан бошлаб, патентни янги реквизитлар билан тўлаш учун нима қилиш керак?
Москва шаҳрида патент олганлар:
🔺ММЦ сайтида очилган личный кабинетлари орқали ёки сайтдаги онлайн тўлов орқали тўлашлари мумкин.
🔺Агар сайтда тўлашни эплолмасангиз, банкка бориб тўлаб юрган бўлсангиз унда Москва шаҳрида ўзгарган мана бу реквизитларни чиқариб олинг ва банкка борганда консультантга шу реквизитлар билан тўлов ўтказиб беришида ёрдам сўранг.
Наименование банка: ГУ БАНКА РОССИИ ПО ЦФО//УФК ПО Г. МОСКВЕ г. Москва БИК: 004525988 ЕКС: 40102810545370000003 Номер казначейского счета: 03100643000000017300
Москва вилоятида патент олган бўлсангиз,
🔺«Единый миграционный центр МО» деган мобил илова орқали патент тўловларини ўтказиб келган бўлсангиз, унда ҳеч нарсани ўзгартириш керак эмас. Мобил илованинг ўзи сизнинг ўрнингизга янги реквизитларни киритиб бўлган. Бемалол ҳеч нарсани ўйламай тўлашда давом этинг.
🔺Агар тўловларни мобил иловада эмас, ўзингиз банк орқали тўлаб келаётган бўлсангиз унда банкка бориб, консультантдан янги реквизитлар билан патент пулини тўлашда ёрдам сўранг. Москва области учун янги реквизитлар:
Наименование банка: ГУ БАНКА РОССИИ ПО ЦФО//УФК ПО МОСКОВСКОЙ ОБЛАСТИ г. Москва БИК: 004525987 ЕКС: 40102810845370000004 Номер казначейского счета: 03100643000000014800
Шахсан ўзимдан маслаҳат, агар Москва областида патент тўловчи бўлсангиз эринмай Красногорскдаги патент олган жойингизга бориб, телефонингизга мобил илова ўрнатиб келинг ёки QR кодли квитанция олиб келинг.
Санкт-Петербург шаҳрида патент олган бўлсангиз:
сиз ҳам банк орқали консультантлар ёрдамида қуйидаги реквизитлар билан патент тўлашингиз керак:
Наименование банка: СЕВЕРО-ЗАПАДНОЕ ГУ БАНКА РОССИИ//УФК по г. Санкт-Петербургу г. Санкт-Петербург БИК: 014030106 ЕКС: 40102810945370000005 Номер казначейского счета: 03100643000000017200
Ленинградская областда патент тўловчи бўлсангиз янги реквизитлар қуйидагича:
Наименование банка: ОТДЕЛЕНИЕ ЛЕНИНГРАДСКОЕ БАНКА РОССИИ//УФК по Ленинградской области г. Санкт-Петербург БИК: 014106101 ЕКС: 40102810745370000006 Номер казначейского счета: 03100643000000014500
Агар Россиянинг бошқа шаҳар ва областларидан бўлсангиз шу постдан кейинги эксель файлда янги реквизитларни кўрсангиз бўлади. Агар эксельдан фойдаланишда қийналсангиз ўз шаҳрингиздаги патент олган жойингизга бориб (МВДга) янги реквизитларни тўлаш учун олиб келинг ва банкда консультантлар ёрдамида тўланг.
Лекин ҳамма мигрантларга маслаҳатим: банкка янги реквизитлар билан патент тўлашга боргач, банк ҳодимларидан янги реквизитлар асосида QR код (штрих код) чиқариб беришини сўранг. Шунда банкингизнинг мобил иловаси орқали штрих кодни сканнер қилиб, қийинчиликсиз бир дақиқада патентга пул ўтказа оласиз.
Эслатма, 1 майдан кейин янги реквизитлар ўрнига эскиси билан патентга тўласангиз, патентингиз пули давлатга етиб бормайди ва патент тўланмагани учун куяди