Nauka Medžuslovjanskoj kirilicy

Jezyk Medžuslovjansky možno pisati s pomočju latinskogo i kiriličnogo alfabeta. Ta vtora je dlja ljudi neznajučih joj velikom vyzovom. Kako ja uslyšal od někakoj osoby- 'vygleda kako jezyk enchanting table'.

Jednako kompletno tako ne trěbuje byti!

Pročitaj artikul, by poznati rodny slovjanski alfabet i jego tajnosti.

Da by poznati medžuslovjanskoj kirilicu, najprvo pripomnimo sěbě medžuslovjansky latiničny alfabet:

A a

B b

C c

Č č

D d

E e

Ě ě

F f

G g

H h

I i

J j

K k

L l

Lj lj

M m

N n

Nj nj

O o

P p

R r

S s

Š š

T t

U u

V v

Y y

Z z

Ž ž

Tutčas pogledajmo, kako vygleda medžuslovjanska kirilica v sravnjenju s latiničnom alfabetom:
A a - А а

B b - Б б

C c - Ц ц

Č č - Ч ч

D d - Д д

E e - Е е

Ě ě - Є є

F f - Ф ф

G g - Г г

H h - Х х

I i - И и

J j - Ј ј

K k - К к

L l - Л л

Lj lj - Љ љ

M m - М м

N n - Н н

Nj nj - Њ њ

O o - О о

P p - П п

R r - Р р

S s - С с

Š š - Ш ш

T t - Т т

U u - У у

V v - В в

Y y - Ы ы

Z z - З з

Ž ž - Ж ж

Počinajmno od togo, že v kirilicy sut bukvy, ktore sut tož vo latinskom alfabetu i imajut identičny vygovor:

A, E, J, K, M, O, T
Priměrne slova, ktore možemo stvoriti:
Кот, Јак, Емо, Мото-Мото

Nastupno imamo bukvy, ktore sut v latinskom alfabetu ALE imajut iny vygovor:

Х,Н,Р,С,У,В

Х, kirilične 'Ha' vygleda kako naše "Iks"

Н, kirilične "En" vygleda kako naše "Ha"

Р, kirilične "Ro" vygleda kako naše "Pe"

С, kirilične "Es" vygleda kako naše "Ce"

У, kirilične "U" vygleda kako naše "Igrek"

В, kirilične "V" vygleda kako naše "Be" (možno se pomyliti, pravda?)

Сромота (Sromota), Нота (Nota), Храм (Hram), Рус (Rus)

Na konec sut bukvy, kojih v latinskom alfabetu ne ma:
Б, Ц, Ч, Д, Є, Ф, Г, И, Л, Љ, Њ, П, Ш, Ы, З, Ж

Б, kirilične "Be"

Ц, kirilične "Ce"

Ч, kirilične "Če"

Д, kirilične "De", ručno piše se podobno do latinskogo D

Є, kirilične "Je"

Ф, kirilične "Ef" to je bukva Fi

Г, kirilične "Ge" to je Gamma

И, kirilične "I" vygleda kako odvračena bukva N

Л, kirilične "El"

Љ, kirilične "El'"

Њ, kirilične "Enj"

П, kirilične "Pe" to prosto je bukva pi! (Imaje li někto zle vozpomněnja iz lekciji matematiki?)

Ш, kirilične "Eš", vygleda kako naše "W"

Ы, kirilične "Y", "Igrek"

З, kirilične "Zet", to tako napravdu je Z s hvostom/ogonom!

Ж, kirilične "Že". Ima bodce kako joŽik

Лєпши (Lěpši), Житје (Žitje), Зубр (Zubr), Коњ (Konj)

Možeš staviti sěbě pytanje: kako mogu naučiti se kirilicy?
Věd tute bokvy sut tako ine!

Jedina iz metod je nebystra izměna bukv v slovah, ktore už znamy, na tute kirilične!
Vgledimo se vo priměrne frazy.

Ja htěl byh idti do sadu zbirati cvěty.
Či ty dělala dnes smaženy ryž s kokoškoju?
Kogdy jest noč potrěbuješ už spati.

Ja vam pokažu, kako možno prosto projdti od latinicy na kirilicu. Budemo povolno izměnjati bukvy:

Ja htěl byh idti do sadu zbirati cvěty.
->
Ja hтєl бyh iдтi do saдu зbiraтi cvєty.
Ja hтєл быh iдтi дo saду збiraтi цvєтy.
Ja hтєл бых идти дo сaду збирaти цвєты.

Či ty dělala dnes smaženy ryž s kokoškoju?
->
Či тy dєlala дnes smaжeny ryж s кoкošкoju?
Чі ту дєlaлa днes sмaжeny рыж с кoкoшкoju?
Чи ты дєлaлa днeс смaжeны рыж с кoкoшкoju?

Kogdy jest noč potrěbuješ už spaтi.
->
Kogдy jest noč poтrєbuješ uж spaтi.
Koгдy jesт noч poтrєбuješ uж sпaти.
Koгды jeст нoч пoтрєбуjeш уж спaти.

Hot s počatku može to se javiti težkě, s časom i treningom prihodi uspěh!
Godno li jest učiti se kirilicy? Oprěděljeno - da!

Prizyvaju do spoznanja se s različnymi linkami o Medžuslovjanskim-
o naših gazetah, telegramu, discordu!
https://linktr.ee/interslavicmedzuslovjansky