SONY ® Акио Морита "Японияда ишлаб чиқарилган" ёрлиқли маҳсулотларга бутун дунё ҳурмат билан қарашига сазовор бўлган бизнесмен.

- 1-ҚИСМ –

Акио Морита - япониялик тадбиркор ва ажойиб маркетинг инноватори. Дунёдаги энг йирик электроника ва компьютер технологиялари фирмаларидан бири бўлган «SONY» корпорацияси асосчиси ва президенти. Аввал маълум бўлмаган бир қатор товарлар: портатив транзисторли радиолар, магнитофон ва телевизорлар, уй видеомагнитофонлари ва компакт-дисклар ғоялари муаллифи. «SONY» маҳсулотларини 160 та турли мамлакатда сотадиган кенг тарқатиш тармоғининг эгаси. Япония ва АҚШда катта маблағ ва кўчмас мулк эгаси.

Баъзи буюк шахсларнинг бу дунёни тарк этиши билан муайян давр тугашини боғлашга ўрганганмиз. Дарҳақиқат, Япониялик ишбилармон Акио Морита бундай баёнотга лойиқдир. Морита дунёдаги энг йирик саноат империяларидан бири - «SONY», портатив транзисторли радиолар, телевизорлар ва магнитофонлар ишлаб чиқаришда етакчи бўлган. Уни яратиш ва ривожлантириш тарихи икки мутлақо ўзга инсонларнинг ноёб ишбилармонлик бирлашувидан бошланди: Акио Морита ва Масару Ибуки. Уларни умумий мақсадлар ва бошқа таниқли бўлмаган ихтироларнинг имкониятларини кашф этиш қобилияти бирлаштирди.

«SONY» корпорациясининг бўлажак эгаси 1921 йил 26 январда бадавлат оилада туғилган. Акио туғилганидан миллионер бўлган ва теннис кортлари, хизматкорлар ва одамга куч ва пул берадиган барча нарсаларга эга бўлган ажойиб саройда ўсган. Болада технологияга катта қизиқиш бор эди. Унинг сўзларига кўра, у электр фонографидан деярли ҳайратга тушган. Электроникага бўлган иштиёқ, "бу унинг уй вазифасини тайёрлашга халақит бериши"га олиб келди ва кейинчалик у "мактабдаги энг кечиккан битирувчига айланганини" эслади. Болалигидан отаси катта ўғлига бошқарув маҳоратини ўргатган, чунки у уни ворислик учун тайёрлаган. 10 ёшидан бошлаб, Акио аллақачон компания раҳбариятининг ишлаб чиқариш йиғилишларида қатнашган. Морита таъкидлашича, у болалигида оилавий бизнесдан нафратланган бўлсада, келажакда у учун фойдали бўлган.

Масару Ибука - Никко яқинидаги тоғли маъбадли қишлоғида яшаган кекса самурай оиласидан чиққан. Касбига кўра, у электротехника бўйича мутахассис эди. Иккинчи Жаҳон уруши пайтида инфрақизил қидириш мосламаси ҳамда руҳсатсиз эшитиш (прослушка)ни чеклайдиган телефон қурилмаси устида ишлади. 1946 йил май ойида Ибука пойтахтдаги Сирокия дўконининг эскирган биносида дастлаб 20 кишини иш билан таъминлайдиган Токио Телекоммуникация Техник Компаниясини очади. Завод камбағал ҳудудда жойлашган ва ишлаш учун шароит жуда оддий эди. Ёмғир пайтида ишчилар ўз иш ўринларида соябондан фойдаланишлари керак эди, чунки бино том қисми ёғингарчилик талабларига жавоб бермас эди. Истеъмолчилар эътирофига сазовор бўладиган маҳсулотни қидириб, Ибука радиолар учун қисқа тўлқинли приставка ишлаб чиқаришга қарор қилди. Бу японларга чет элдан қизиқарли дастурларни тинглашга имкон берарди.

Кунлардан бир кун газеталардан бирида Ибуки ихтироси ҳақида чоп этилган хабарга Акио Моританинг кўзи тушди ва у билан учрашишга қарор қилди. Учрашувдан сўнг, Ибукига қарашли кичик электрон компаниясида ҳамкорликда иш юритишга қарор қабул қилишди. Ушбу хамкорликка Акио ўз маблағи ва электроника соҳасидаги билимлари билан, Масару эса муҳандис-ихтирочилик истеъдоди билан ҳисса қўшди.

Давоми бор...

🔸ЖАҲОН БРЕНДЛАРИ🔸 асосчилари ва бизнес моделлари ҳақида

MUVAFFAQIYAT KALITI | БИЗНЕС КУРСЛАРИ ЖАМОАСИ 🔑

🌎 @muv_kaliti_biznes_kurs