«Беруний» стипендиянты

Арман Нурниязов “Беруний” мәмлекетлик стипендия ийеси болды

Бәршемизге белгили, елимизде қәбилетли жасларды қоллап-қуўатлаў ҳәм оларды материаллық тәрептен хошаметлеў мақсетинде мәмлекетлик стипендиялар шөлкемлестирилген.

Өзбекстан Республикасы Жоқары ҳәм орта арнаўлы билимлендириў Министрлиги буйрығы тийкарында 2019-2020- оқыў жылы ушында республикамыздың бир қанша зийрек студент жаслары мине усындай мәмлекетлик стипендияларға мүнәсип көрилди.

Олар арасында ТАТУ Нөкис филиалы Телекоммуникация технологиялары ҳәм кәсиплик тәлим факультети 3-басқыш студенти Арман Нурниязовта “Беруний” мәмлекетлик стипендиясына мияссар деп табылды.

Арман Нурниязов 2018-жылы мәмлекетимизде жоқары оқыў орынлары студент жаслары арасында өткерилген математика пән олимпиядасында сыйлы III орынды ийеледи. Сондай-ақ, Халықаралық пән пән олимпиядалар, инновациялық көргизбелер қатнасыўшысы. Арман Нурниязов илимий басшысы техника пәнлери докторы Қуўаныш Сейтназаров пенен биргеликте “Есаплаў машиналары, компьютер тармақларының математикалық ҳәм программалық тәмийнаты” бағдары бойынша өз жумысларын алып бармақта.
Мағлыўмат ушын атап өтемиз, бакалавр басқышын тамамлағаннан соң,мәмлекетлик стипендия ийелери тийисли қәнигелик бойынша магистратура басқышына имтихансыз грант тийкарында оқыўға қабылланады.

ТАТУ Нөкис филиалы Баспасөз хызмети