ЙИҒИМ-ТЕРИМ ҚИЗҒИН

• Вилоятимизда етиштирилган пахта хом-ашёсини йиғиб-териб олиш ишлари жадал суръатларда давом эттирилмоқда.

Мингбулоқ ва Поп туманларидаги 12916 ҳамда 10302 гектарда «Наманган момиқ сочиқлари» МЧЖ, Чуст ва Чортоқ туманларидаги 4004, 1067 гектарларда «Наманган тўқимачи» МЧЖ, Наманган туманидаги 5550 гектарда «Тошбулоқ текс» МЧЖ, Норин туманида 6038 гектарда «Uztex Uchkurgan» қўшма корхонаси, Уйчи туманида 5869 гектарда «Uchkurgan textile» қўшма корхонаси ва Учқўрғон туманида 9436 гектарда «Textile Finance Namangan» қўшма корхонаси ишчи-ходимлари кластер хўжаликлари томонидан етиштирилган пахта хомашёсини йиғиб-териб олишда бор имкониятлардан фойдаланиб иш ташкил қилинмоқда. Унумдорлик ҳар бир теримчи ҳисобига кунлик 59,1 кг.данга тўғри келмоқда.

7 октябрга қадар вилоятимизда 118611 тонна пахта териб олиниб, йиллик режанинг 61,6 фоизи миқдорида саноат хом-ашёси пунктларга топширилди.

Йиғим-терим ишларида Мингбулоқ тумани - 83%, Чуст - 80,1%, Чортоқ - 78,1%, Поп -73,9% кўрсаткич билан пешқадамлик қилмоқда.

Қодирхон НИЁЗХЎЖАЕВ.