Өлең сөздің патшасы

Ұлт ұстазы Ыбырай — асыл тұлғам

Тарихта мəңгілікке ізі қалған,
Ұрпағы үшін есімі ізгі болған,
Əрбір сөзі сан ғибрат, жалған емес,
Ұлт ұстазы Ыбырай — асыл тұлғам.

Еліне білім атты бақ қондырған,
Қараңғыны ағартып, жақ талдырған.
Ілімімен алынбайтын құрған қамал,
Ұлт ұстазы Ыбырай — асыл тұлғам.

Елден ерек, басқадан дара туған,
Қазағымның бағы болып жаратылған.
Жастайынан өмір көріп, ерте есейген,
Ел ағасы Ыбырай — асыл тұлғам.

Ер болды ғой бір сырлы, сегіз қырлы,
Балаларды мектепке ол шақырған.
Тар жол — тайғақ кешуден шыңдалған-ды,
Ел ағасы Ыбырай — асыл тұлғам.

Тоқсан сөздің тобықтай түйіні бір,
Өмір — бəйге, шын мықты озып шығар.
Ыбырайдай еліңе еңбек сіңір,
Тек сол еңбек есіміңді ұлық қылар.

Үлгі алған Ыбырайдан болмас жаман,
Еңбегі мен білімі егіз сыңар.
Ермін десең, Ыбырайдай халқыңды сүй,
Күллі əлемге қазақтың атын шығар!

2019 жыл

Абай жаққан бір сəуле

Өлеңімен мəңгі өшпейтін із қалдырған,
Сөз күшімен от жылуын ызғар қылған,
Қара шумақ, қара өлең жазған Абай
Əндері де елі үшін ізгі əн болған.

Абайдың қазақ үшін аты дара,
Сөзі де алтын, емес тек хаты ғана.
Хəкім Абай жазып кеткен əр өлеңі —
Көркем сөз боп ағатын сарқырама.

Халқының көзін ашу болды арманы,
Өлеңін, өмірін де елге арнады.
Жартастан да ести алған жаңғырықты
Алайда халқы неге шығармады?

Жеңу үшін надандық тас қамалын
Адамдықтың шамын жағу — басты амалы.
Қалың елі, қор болған, қайран қазақ
Сол сəуледен неге жол бастамады?!

Ол сəуле ұққан жанға шын асылдай,
Қазақтың ол рухани мұрасы ғой,
Абайдың даналығы — өлеңдері
Бірде мамық, бірде қатты, қорғасындай.

Абайдың ойын ұқ та, сөзін түсін,
Сонда ғана білесің сөздің күшін.
Əр сөзін басшылыққа ап, жөн түзейік,
Абай жаққан бір сəуле сөнбес үшін!

2020 жыл

Anonymous author

NIS Press — это школьная газета НИШ ФМН г. Алматы, Казахстан. Данная статья была опубликована в выпуске газеты 3-недели Декабря 2020 г.

Следите за новостями газеты в нашем Instagram-аккаунте. Также можете ознакомиться со всей информацией о газете в нашем Telegram-канале.
Все выпуски газеты доступны для скачивания в нашем Telegram-канале и через Google Диск.