Баранавічы - Ляхавіцкае вадасховішча - Мядзведзічы - Раманоўшчына
Лета паціху праходзіць, светлы дзень становіцца карацейшы, таму сезон вечаровых катанак паціху падыходзіць да свайго фініша. На мінулым тыдні зноў зазірнуў на поўдзень ад Баранавічаў, у Ляхавіцкі раён
01. Каціў пераважна мясцовымі дарожкамі, але асфальт таксама быў
02. Нейкім гушчаром (вырашыў праехаць напрасткі праз поле і лес, а ў лесе сцежка зарасла) выбраўся да вялікага Ляхавіцкага вадасховішча на Шчары
03.
04. Вечаровая Шчара ніжэй ад вадасховішча
05. Р43 - старая дарога з Масквы на захад
Спачатку планаваў фінішаваць на станцыі Рэйтанаў, але калі пад'ехаў да скрыжавання на Русіновічы і шыльды "Рэйтанаў - 3 км", то пабачыў, што да цягніка застаецца больш за гадзіну. Таму вырашыў прадоўжыць маршрут і зазірнуць у Мядзведзічы, дзеля мясцовага прыгожага касцёла, які ўжывую яшчэ ніколі не бачыў
06. Пачаўся пясочак
07. Прыехаў
08. А вось і ён
09. Касцёл св. Пятра і Паўла (1908 г.п.)
Яшчэ ў вёсцы ёсць маленькая прыгожая каталіцкая каплічка, але ў той момант, калі я праязджаў міма яе, я ўжо спяшаўся на цягнік, таму без фота. Мо калі буду яшчэ ў гэтых мясцінах
Фінішаваць думаў на п.п. Кулені, але вясковыя дзядзькі (дзякуй, што запытаў) паведамілі мне, што дарога да прыпынку зараз такая, што не прабрацца - маўляў, самі садзімся ў Раманоўшчыне і Рэйтанаве. Можа і падманулі, хто яго ведае, але я бачыў адзіную лясную дарогу з вёскі ў той бок - і там ужо ў колькі метрах ад дарогі стаяла трава, а далей быў бачны буралом. Каціць у Рэйтанаў было не цікава, таму вырашыў ехаць на п.п.Раманоўшчына - кіламетраў 9 паганай гравійкай, але часу яшчэ хапала
10. А сонца тым часам заходзіла
11. Жнівень-верасень - час найлепшых захадаў
12. Зрэшце праз дрэвы выглянула святло ліхтара. Гэта п.п.Раманоўшчына - лясны паўстанак, недзе за лесам - фазенды, але ў гэты час сядаў там я адзін
13. Яшчэ і дызель хвілін на 15 спазніўся, вымушыўшы мяне ўжо падумаць, што цягнік раптам чамусьці скасавалі (вось як пачаў думаць гэта - так ён з-за рога і выпаўз ;) )
49 км, для вечаровай паездкі хопіць
Трэк:
Дзякуй за ўвагу!