Сүлүөт кыттыылаахтарыгар эҕэрдэ

Биһиэхэ Г.И. Чиряев аатынан Бүлүү 1 №-дээх оскуолаҕа Бүлүү бөлөх улуустарын эдэр кэрэспэдьиэннэрин сүлүөтэ буолла. 2018 сыллаахха Ньурбаҕа ыытыллыбыт сүлүөккэ биһиги пресс-киин кыайыылааҕынан тахсан тэрийээччинэн буоллубут. Манна Бүлүү, Ньурба, Үөһээ Бүлүү эдкорпостара уопсайа 9 хамаанда кытынна. Мин «Ориентир” пресс-кииҥҥэ саҥа киирэн үлэлээн эрэбин. Маннык улахан тэрээһиҥҥэ бастакыбын кытынным. Григорий Григорьевич Местников “Кэскил” хаһыат суруналыыһа “Медиамикс” күрэх буолуон иннигэр, ыстатыйаны суруйарга, видеону устарга онтон да элбэҕи кэпсээтэ. “Кэскил” хаһыат рубрикаларын билиһиннэрдэ. Бу күрэххэ мин ордук тиэкис суруйарга ыарырҕаттым. Тиэкискэ үс буолан үлэлээбиппит. Суруйарга үөрүйэх наада эбит. Сүлүөккэ сылдьан элбэҕи биллим уонна интириэһиргээтим.

Бэйэни билиһиннэрии түһүмэҕэр биһигини “Ориентир” хамаанданы кэлбит ыалдьыттар сэргээбиттэриттэрин астына иһиттибит. Бастыҥ хаһыат күрэҕэр кыайыылааҕынан таҕыстыбыт.

Бу тэрээһиҥҥэ мин хамаанданнан арахсан “Квест” оонньообуппутун олус сөбүлээтим.

Араас улуус оҕолоро биир хамаанда буолан оонньоотубут. Элбэх саҥа оҕолору кытта билсэн доҕордуу буоллубут.. Биһиги хамаандабыт бу оонньууга бастакы миэстэ ылан минньигэс бириискэ тигистибит.

Маннык сүлүөт өссө буоларыгар баҕарабын. Кэскил оҕо бэчээтин кыһатыгар, Алексеева Таисия Ивановнаҕа махтанабыт. Икки сылынан Ньурбаҕа буолр сүлүөткэ көрсүөххэ диэри.

Филиппова Нина, 8 кылаас үөрэнээччитэ

Г.И. Чиряев аатынан Бүлүү 1 № -дээх оскуола,

“Ориентир” пресс- киин кэрэспэдьиэнэ

Оскуоланы араас сылларга бүтэрбит "Ориентир" пресс-киин выпускник-эдэр кэрэспэдьиэннэрэ сүлүөт кыттыылаахтарыгар онлайн эҕэрдэ тиэртилэр