Бүлүү бөлөх улуустарын оскуолаларын сүүмэрдиир "Саас" медиа форум
Олунньу 2 күнүгэр Ньурба улууьун Марха орто оскуолатыгар Бүлүү бөлөх улуустарын оскуолаларын сүүмэрдиир "СААС" медиа форум ыытыллыбыта. Биһиги Г.И Чиряев аатынан бастакы нүөмэрдээх Бүлүү орто оскуолатын эдэр кэрэспэдьиэннэрэ көхтөөх кыттыыны ылан, оҕолору кытта билсэн , маастер кылаас истэн , уөрэн-көтөн олус үчүгэйдик сылдьан кэллибит.
Маннык улахан медия форумҥа мин бастакыбын сырыттым. Наһаа астынным, сэргэхсийдим! Тэрээһинтэн олус улахан уопуту ыллыбыт. Тэрээһин оҕолоро, улэһиттэрэ эйэҕэс санаалаахтар. Олус элбэх оҕолору кытта билсистим, доҕордостум. Кэскил редакция суруналыыстара кэпсээбиттэрэ, өйдөппүттэрэ инники үлэбэр элбэх көмө биэриэ дии саныыбын! "Саас" медиа-форумҥа улахан махталбын тиэрдэбит . Маннык курдук тэрээһиннэр эдэр көлүөнэ оҕолоругар тэрийиллэ турдуннар!
Миэхэ "Саас" медиа форум олус элбэх сырдык өйдөбүллэри хаалларда. Бу иннининэ маннык улахан тэрээһиҥҥэ кытта иликпин. Спикердэр маастар кылаастарын сөбүлээтим, барыта чопчу уонна өйдөнөр гына кэпсээбиттэрэ. Атын хамаандалар үлэлэрин көрөр эмиэ интириэһинэй этэ. Медиа-кииҥҥэ син өр үлэлээтим уонна бу курдук тэрээһиннэр баар буолбуттарыттан астынным.
Өрөспүүбүлүкэтээҕи "Муус устар-2024" бэстибээл сүүмэрдиир түһүмэҕэ Саас форум мин тус бэйэбэр олус туһалаахтык ааста.Олус элбэх суруналыыс оҕолор биир сиргэ түмсүбүттэрэ олус астык этэ. Биһиги Ориентир медиа-кииммит оҕолоро өрө күүрүүлээхтик , биир сомоҕо буолан үлэлээтибит. саамай сөбүлээбитим тэрийээччилэр маастар кылаастара буолар. Түмүккэ иккис миэстэҕэ тахсан, Бэс чагдаҕа оҕону чэбдигирдэр кииҕҕэ ыҥырыы ылан биһиги хамаандабыт өссө күүскэ түмүстүбүт уонна салгыы үлэлииргэ бэлэммит.
