Hello Brother!
Hello Brother!
Хабарингиз бор, 2019 йилнинг 15 марти жума куни Янги Зеландиянинг Крайстчерч шаҳридаги масжидлардан бирида, жума намози ўқилаётган вақтда теракт ҳужуми уюштирилган эди. Шунда биз мусулмонларнинг турли ирқлардан 50 дан ошиқ мўмин-мусулмон биродарларимиз шаҳид бўлишганди. Терактни амалга оширган бадбахт, лаънати дарҳол ҳибсга олиниб, Янги Зеландия мамлакатининг бош вазири мен мусулмонлар билан биргаман, у лаънатига «сен террорчисан!» деб айтганди.
Масжидда бўлган терактдан яраланганлардан афғонистонлик бир киши, куни кеча бўлиб ўтган террорчининг судида бутун инсониятга дарс бўладиган гапни айтди:
- Бу террорчининг кўзларида ҳеч қандай пушаймонликни кўрмаяпман. Қилган ишидан пушаймон эмас. Мен унга ташаккур айтмоқчиман. Янги Зеландияда 17 йилдан бери яшайман. Афғонистонлик бўлганим учун, инсонлар мени ҳазил қилиб ёки билиб менга «террорчи» дейишарди. Лекин бу нусха менга қўйилган бу лақабни олди. Бугун террорчи сенсан! Мен мусулмонман, мен террорчи эмас, ўзинг террорчи эканлигингни исботладинг. Янги Зеландия халқига мурожаат қилмоқчиман, террорчининг дини, ирқи, қора танлиси, оқ танлиси бўлмайди. Ҳар қандай танлидан, ҳар қайси ирқдан террорчи бўлиши мумкин. Биз террорчи эмасмиз. Биз кучлимиз, биз устунмиз. Сўзим охирида шуни айтмоқчиман, сен мағлуб бўлдинг, биз ғолиб.
P. S: Айнан шу кундан эътиборан телеграмдаги профилимни Hello Brother деб қўйганман. Жуда кўпчилик, нега исмингизга ундай ёзгансиз деб сўрашади. Масжидга келган намозхон амакилардан бири, террорчи қўлида қурол кўтариб келганида, унга Hello Brother - Салом биродар, деган экан. Лекин бадбахт, ўлдиришни айнан шу амакидан бошлаган экан. Аллоҳ барчасини раҳматига олсин.
Абдуллоҳ Раҳим.