Үздік ноутбуктар тізімі бойынша ақпарат

• Кестеде баға/өнімділік/экран (заманауи процессор/өнімділік, жадтың көлемі мен жылдамдығы, экран өлшемі) сегменттерінің арақатынасы жағынан тиімді ноутбук үлгілері көрсетілген. Брендке басымдық берілмеген. Батареяның жұмыс уақыты есепке алынбаған. Бағалар Kaspi сайтынан алынған, басқа платформаларда арзанырақ болуы мүмкін. Кейбір үлгілерінің бағасы өсіп, келесі баға санатына өтуі мүмкін. Apple үлгілері тізімге енгізілмеген. Қалған ноутбуктар экран өлшемі мен процессордың (соңғы немесе алдыңғы буын) негізінде таңдалды.

• Сатып алу кезінде барлық модельдерде Windows орнатылмаған болуы мүмкін екенін ескеру қажет және бұл қосымша шығындарға әкелуі мүмкін. Windows жүйесінің өз бейнесін (Windows 10) Microsoft сайтынан жүктеп, Media creation tool утилитасы арқылы бос флешкаға орнатып көруге болады (егер бұл мүмкіндік әлі қолжетімді болса).

• Жедел жады (ОЗУ) 8 Гб-тан аз ноутбуктар ойын ноутбуктары тізіміне енгізілмеген. Сондай-ақ, тек SSD жадпен жабдықталған үлгілер таңдалған (қатты диск жоқ). Егер 16 Гб-тан жоғары жад қажет болып, кейін оны кеңейту мүмкін болмаса, бірден қажетті көлемдегі (24, 32 Гб және одан жоғары) жадпен сатып алуды ұсынамыз.

• Жеке/дискрет видеокартаның болуы – 3D дизайн, анимация мен бейнемонтаж бағдарламаларымен жұмыс істеу үшін де маңызды екенін есепке алу керек. Егер видеокарта болмаса, рендеринг пен монтаждау секілді тапсырмалар баяу жұмыс істейтін кіріктірілген графикалық чип арқылы орындалады.

• Видеокарталардың ойындардағы мүмкіндіктерін арнайы сайттан тексеруге болады. Сілтеме.