MS Word programmasında á, ó, ú, ı, ǵ, ń háriplerin qalay jazıw múmkin?
Bul simvollardı jazıwdıń 3 jolın keltirip óttim, qálegen birewinen paydalansańız boladı.
1. MS Word 2016 programmasında «Вставка» menyusınan «Символ» bólimin tańlaysız. Ashılǵan kishkene aynashadan «Другие символы…» di tańlaysız hám ashılǵan «Символ» aynashasınan ózińizge kerekli bolǵan simvoldı tańlap «Вставить» túymesin basasız (Sizge kerekli bolǵan simvollar - «Основная латиница, дополнительная латиница-1, расширенная латиница-А, расширенная латиница-B» bólimlerinde). Usı aynashanı jawmastan turıp jazıwda dawam etseńiz boladı.
«Символ» aynası
2. Bunda sizge kerekli bolǵan simvoldı klavishler kombinaciyasına ornatıwıńızǵa boladı. Yaǵnıy, joqarıda kórsetilgen ámellerdi orınlap «Символ» aynashın ashqannan soń, kerekli bolǵan simvoldı tańlaysız hám «Сочитание клавиш…» túymesin basasız. Nátiyjede «Настройка клавиатуры» aynası ashıladı. «Новое сочитание клавиш» degen maydanshaǵa mishka kursorın qoyıp kerekli kombinaciyanı kiritip (Eki klavishti qosıp basasız) «Назначить» túymesin basasız. Tómendegishe etip kiritiwdi máslahat beremen.
Á háribi ushın – ALT+SHIFT+A (EN tilindegi A háribi) Ó háribi ushın – ALT+SHIFT+O (EN tilindegi A háribi) … á háribi ushın – ALT+A (EN tilindegi A háribi) ń háribi ushın – ALT+N (EN tilindegi A háribi) …
Basqan waqtıńızda «ALT+A» mına kórinistegi jazıw payda bolıwı kerek. Bul ámellerdi bolǵannan soń kerekli simvolllardı joqarıda qoyǵan klavishalar arqalı jazasız (Mısalı, á ni jazıw ushıń ALT+A, ǵ ushın ALT+G).
CTRL klavishasın kombinaciyaǵa qospań, sebebi CTRL da basqa kerekli buyırıqlar bar!
3. Barlıq MS Word programmalarında kerekli sazlamalar saqlanıwshı Normal.dotm faylı boladı. Joqarıdaǵı kórsetilgenlerdi orınlasańız barlıǵı sol Normal.dotm faylında saqlanadı. Endi siz joqarıda kórsetilgenlerdi islep otırmastan aldın ala islengen Normal.dotm faylın ózińizdiń kompyuterińizdegisi menen ózgertesiz. Nátiyjede (ALT+A, ALT+O hám t.b. kombinaciyalarınan paydalanıp) kerekli simvoldı jaza alasız (Windows 7 ushın).
Normal.dotm jańası menen almastırıw ushın tómendegilerdi orınlaysız:
Operacion Sistema ornatılǵan diskti tańlaysız (C disk) hám tómendegi papkalarǵa kiresiz: c:\Users\Alex\AppData\Roaming\Microsoft\Шаблоны\ (AppData, Microsoft papkaları jasırın halatda turadı, eger papkalardı tawa almasańız «Поиск файлов» buyırıǵı arqalı izlep kóriń). Ashılǵan orınǵa taza Normal.dotm faylın nusqalaysız. Nusqalaw waqtında «Заменить» túymesin basasız. Bul ámellerdi orınlaw waqtında MS Word programması ashıq bolmawı kerek. Normal.dotm faylın kanalǵa taslap qoyaman.
Túsinbegen jerlerin sorasańız boladı.
A.Orınbaev