Másele №5

Balalar jıynalısıp jasırınbashaq oynamaqshı boldı. Biraq shártlerdi azǵantay ózgertip birinshi shıqqan bala qurınıwǵa kelisip aldı. Yaǵnıy aytılǵan qosıqtıń aqırı kimde tawsılsa sol qurınadı (Mısalı, nemis shıqtı ormannan pıshaǵın aldı kármannan ya óleseń ya qalasań kim menen dos bolasań).

Qosıqtaǵı sózler sanı balalardı sanaw ushın qollanıladı, 1 balaǵa tek ǵana 1 sóz, yaǵnıy 1 sóz buwınǵa bólinip 2 balanı sanawǵa bolmaydı.

Kiriwshi maǵlıwmatlar:

N – balalar sanı;
M – qosıqtaǵı sózler sanı;
K – qosıq baslanıwshı balanıń tártip nomeri;

Mısalı: N=5; K=1; M=14;

Juwap: 4

Sheshiliwi

Dáslep hárdayım birinshi baladan qosıq baslanadı dep oylayıq. Onda M%N durıs nátiyje beredi. Biraq ayırım jaǵdaylarda yaǵnıy, qosıq aqırı N-balada tawsılatuǵın bolsa, onda M%N=0 bolıp qalıwı múmkin. Sonıń ushın bul ámeldi azǵantay ózgertemiz (logikalıq oylap, birneshe variantlardı kórip):

Nátiyjede (M-1)%N+1 kelip shıǵadı.

Biraq qosıq hárdayım birinshi baladan baslanbaydı, al K-baladan baslandı. Sonlıqtan, aldın K-1 márte sanaldı dep joqarıdaǵı formulaǵa qosamız:

Nátiyjede (M-1+K-1)%N+1=(M+K-2)%N+1 ulıwma formulaǵa iye bolamız

Realizaciya

Java

Rezultat

Java

baylanıs ushın: Aymurat Orınbaev

Programmalastırıw