Ҳарбий шаҳарчада савдо ярмаркаси.

Наманган ҳарбий прокуратураси томонидан ҳарбий қисм қўмондонлиги ва махаллий тадбиркорлар билан ҳамкорликда Чуст туманида жойлашган ёпиқ ҳарбий шаҳарчадаги кўп қаватли уйларда яшовчи ҳарбий хизматчиларнинг оила-аъзолари учун арзонлаштирилган нархларда асосий турдаги озиқ-овқат маҳсулотлари савдо ярмаркаси ташкил этилди.

Савдо ярмаркасида санитария-эпидемиология қоидаларига риоя қилиниши, жумладан мобил савдо нуқтасига ташриф буюрган фуқароларнинг тана ҳарорати масофавий ўлчаниши, савдо ярмаркаси ҳудудининг дезинфекция қилиниши ва 2 метрлик ижтимоий масофа сақланиши таъминланди.