Электромобилларни энди янада тезроқ қувватлантириш мумкин

Автоцентрнинг маълум қилишича, электромобильни 0 дан 80% гача қувватлантиришга 10 дақиқадан камроқ вақт кетади.

Янги А4180 тез қувватлантириш станциясининг ишлаб чиқарувчиси GAC компаниясидир. Бу станция 1000 В кучланишда 480 кВт гача қувват билан электромобильни қувватлантириш имконини беради. Бутун электромобиль сектори учун бу каби станциянинг пайдо бўлиши инқилобдир, чунки у автомобиль аккумуляторини тўлдириш вақтини бензин бакини тўлдириш вақти билан тенглаштиради.

GAC ION V электромобилини станция 30% - 50% гача 5 дақиқада қувватлантирди. 0 дан 80% гача эса атиги 8 дақиқа вақт кетди.

Айни вақтда атиги бир нечта электромобиль моделларигина 350 кВт гача бўлган станцияларни қўллаб қувватлайди. Хитойнинг ўзида эса асосан 60 дан 80 кВт гача бўлган станциялар ишлатилади. Бундан ташқари, катта кучланиш билан электромобильни қувватлаш аккумулятор ресурсини жуда ҳам тез камайтиради.

Шунинг учун GAC компанияси AION V моделларида графен баратеяларини ишлатган. Чунки бу батареялар қувватлантириш вақтида қаттиқ қизимайди ва ресурсини секин йўқотади. Бу каби инновацион қувватлантириш станциясини ишлатган тақдирда, батареянинг ресурси бир миллион километрга етишини таъкидламоқда GAC.

GAC 2021 йилнинг охирига қадар шундай станциялардан юзтасини ишга туширмоқчи. 2025 йилгача эса уларнинг сонини 2000 тага етказиш ва Хитойнинг 300 та шаҳрида станциялар тўри хосил қилиш режалаштирилмоқда.

Умид қиламиз, бу каби станциялар Ўзбекистонда ҳам тез кунларда пайдо бўлади ва электромобилларнинг оммалашувига сабаб бўлади.

Бизнинг телеграм каналга ўтинг ва ўз электромобилингизни танланг.