Балаға үй тапсырмасын тез әрі тиімді орындауға арналған кеңестер

Көп ата-ананың уайымы – бала үй тапсырмасын ұзаққа созып, қиналып орындауы. Ал дұрыс ұйымдастырылған жағдайда үй жұмысы баланың күнделікті әдетіне айналып, шаршатпайды да, көп уақыт алмайды. Төмендегі қарапайым кеңестер баланың оқуын жеңілдетіп, ата-ананың уақыты мен жүйкесін де үнемдеуге көмектеседі.

1. Арнайы оқу бұрышы болсын: Баланың өз бұрышы болса, миы “мұнда оқу керек” деп үйренеді. Артық ойыншықтар мен назарды аударатын заттар тұрмасын.

2. Күн тәртібін қалыптастыру: Күнде бір уақытта үй жұмысын бастау – балаға жеңіл болады. Әдетке айналғанда, балаға ескерту де қажет болмай қалады.

3. Уақытты бөліп үйрету: “45 минут оқу – 10 минут демалыс” ережесін ата-ана қадағалап отырса, бала шаршамайды әрі тапсырманы тез орындайды.

4. Қиын тапсырмадан қорықпау: Ата-ана “қолымнан келеді” деген сенімділік беріп отырса, бала қиын тапсырманы да оңай қабылдайды. Кейде жай ғана “сен істей аласың” деу жеткілікті.

5. Жоспар құруды үйрету: Кішкентайдан “алдымен математика, сосын шығарма” деп жоспар құрып үйренсе, ол бала болашақта уақытын дұрыс басқаруды да меңгереді.

6. Сыйақы емес, мақтау маңызды: “Жақсы істедің”, “Өзіңе жарасады” деген жылы сөз – баланы келесі жолы да ынталандырады.

7. Әрдайым бақылаушы болыңыз: Ата-ана әр тапсырманы бірге орындап бермей, тек бағыт беріп отырғаны дұрыс. Себебі бала өзіндік жауапкершілікті солай қалыптастырады.

8. Денсаулығына мән беру: Үй жұмысына отырар алдында бала тойып тамақ жеп, сергіп отырса, тапсырманы әлдеқайда тез орындайды.