Tarawǵa baylanıslı seminar bolıp ótti

Kadastr Agentliginiń Jer hám kadastr qadaǵalawı basqarması qánigeleri tárepinen “Jer hám kadastr qadaǵalawı sistemasında aymaqlıq basqarma hám rayon bólimi inspektorları tárepinen ámelge asırılıp atırǵan jumıslar natiyjeliligi orınlanıwı kerek bolǵan wazıypalar, tarawǵa tiyisli qabıl etilgen Nızam hám qararlar mazmun-mánisi boyınsha túsinikler beriw hám hákimshilik ámeliyatı boyınsha óz-ara pikir almasıw” temasında oqıw -seminar ótkerildi.

Seminarǵa Kadastr agentligi Qaraqalpaqstan Respublikası basqarması qánigeleri qala,rayon bólim baslıqları hám jánede bas inspektorlar qatnastı.

Onda rayon bólim baslıqları hám inspektorlarına E-jer-qadaǵalaw avtomatlastırılǵan málimleme sistemasınan paydalanıw, hákimshilik huqıqbuzarlıq haqqında birden-bir elektron jumıs júritiw sisteması E-hákimshilik jumıs programması arqalı Mámleketlik jer hám kadastr qadaǵalawına jáne de hákimshilik huqıqbuzarlıqqa tiyisli islerdi júrgiziw, tarawǵa tiyisli qabıl etilgen Nızam hám Qararlardıń mazmun-mánisi inspektorlar tárepinen ámelge asırılıp atırǵan jumıslar natiyjeliligi, orınlanıwı kerek bolǵan wazıypalar boyınsha túsinikler berildi.
Seminarda qatnasıwshılar ózlerin qızıqtırǵan sorawlarǵa tiyisli juwaplar aldı.