Taqıyatas rayonında nızamsız qurılıs saplastırıldı
Taqıyatas rayonı «Saraykól» APJ aymaǵında jasawshı puqara Annaev Ore «Saraykól» APJ aymaǵında jaylasqan hákimiyat jer qorı esabında bos turǵan 0,02 gektar jer maydandı ózbasımsha túrde iyelep, turaq jay salıw maqsetinde qurılıs qurǵanı kadastr agentligi Taqıyatas rayonı inspektorları tárepinen 2021-jıl 1-dekabr kúni anıqlanıp óz waqtında dálalatnama dúzıldi hám tiyisli tártipte belgilengen múdette nızamsız qurılıstı saplastırıwı boyınsha eskertiw berildi.
Puqaraǵa bul is háreketleri nızamsız ekenligi, jer ajıratıw, jerge iyelik etiw, hújjetleri joq bolsa bul ózbasımsha iyelengen maydan esaplanıwı túsindirilip hám Jer kodeksiniń 90-statyası menen juapker esaplanatuǵınlıǵı, jáne de Ózbekstan Respublikası hákimshilik juwapkershilik haqqındaǵı 60-statyanıń 3-bándinde kórsetilgen járiyma qollanılıwına sebep bolıwı puqaraǵa túsintirildi.
Usı statyalarǵa tiykarlanıp bayannamalar dúzilip 2021-jıl 6-dekabr kúni Kadastr agentligi Taqıyatas rayonı bólimine inspektorları tárepinen puqaranıń qatnasında puqaraǵa bazalıq esaplaw muǵdarıniń bir júz eliw esesinde ( 40 mln 500 mıń sum ) járıyma sharası qollanılıp, puqaraǵa tanıstırıldı hám qarardan bir nusqası usınıldı.
