𝑍𝑎𝑛𝑔𝑜𝑟𝑖 𝑘𝑒𝑐ℎ𝑎 𝑠𝑎𝑑𝑜𝑠𝑖

21-iyun. Qonli va Zangori to‘qnashuv

Saroyning janubiy darvozasi qonli jangga guvoh bo‘ldi. Jungkook va uning sadoqatli askarlari qurshovni yorib o‘tishgan bo‘lsa-da, Li Kanning pistirmasi kutilganidan ancha kuchli chiqdi. Saroy chetidagi baland qoyalik ostida oqib o‘tuvchi shiddatli daryo bo‘yida Sangin yolg‘iz qolgan edi.
Uning ortidan quvib kelgan Li Kan, zaharli jilmayib, qilichini qiniga soldi.

— "Malikam, qochadigan joyingiz qolmadi. Osmon ham bizga rangini bermadi, ko‘ryapsizmi? Oy qip-qizil," — dedi u osmondagi xira qizg‘ish nurga ishora qilib.

Sangin daryoning hayqirig‘iga qarab bir qadam orqaga tashladi. Uning oq to‘y ko‘ylagi shamolda vahshiyona hilpirardi.

— "Sizga asir bo‘lgandan ko‘ra, bu daryoning tubi afzalroq!" — dedi Sangin qat'iyat bilan.

Li Kan unga yaqinlashgani sari, Sangin ko‘zlarini yumdi va o‘zini shiddatli to‘lqinlar bag‘riga otdi.

Muzdek suv Sanginning nafasini bo‘g‘ib qo‘ydi. Og‘ir ko‘ylagi uni tubga tortar, oqim esa uni toshlarga urishga harakat qilardi. Shu lahzada u hayoti davomida eshitgan eng aziz ovozni eshitgandek bo‘ldi:

"Menga ishoning..."

To‘satdan suv yuzasida kuchli shaloplov eshitildi. Jungkook zirhlarining og‘irligiga qaramay, ikkilanmasdan o‘zini suvga otgan edi. U daryo oqimi bilan kurashib, Sanginning suv yuzasida ko‘rinib turgan oppoq ko‘ylagiga talpindi.

Jungkook qizning belidan mahkam quchoqlab, uni qirg‘oq tomonga, xavfsizroq toshlar ortiga tortib chiqardi. Ikkalasi ham qirg‘oqda, nafaslari bo‘g‘ziga tiqilib, ho‘l va holdan toygan holda yotishardi.
Jungkook Sanginning sovuqdan ko‘kargan yuzlarini kaftlari orasiga oldi.

— "Yashaysiz... Malika, siz yashashingiz kerak!" — dedi u ovozi titrab.

Shu payt mo‘jiza yuz berdi. Bulutlar orasidan bir lahzaga chiqib kelgan oy, birdaniga o‘z rangini o‘zgartirdi.

Qizil tus yo‘qolib, atrofni g‘ayritabiiy, sokin zangori nur qopladi. Bu haqiqiy qurbonlik — bir-biri uchun hayotini tikish evaziga chiqqan Zangori Oy edi.

𝑀𝑎𝑙𝑖𝑘𝑎 𝑆𝑎𝑛𝑔𝑖𝑛 𝑘𝑢𝑛𝑑𝑎𝑙𝑖𝑔𝑖𝑑𝑎𝑛 22-𝑖𝑦𝑢𝑛. 𝑇𝑜𝑛𝑔

"Suv ostida qolganimda hamma narsa tugadi deb o‘ylagandim. Ammo uning qo‘llarini his qilganimda, hatto ajal ham bizni ajrata olmasligini tushundim. Biz hozir qayerdadir, noma’lum o‘rmon chetidagi kulbadamiz. U jarohatlangan bo‘lsa-da, meni isitish uchun olov yoqdi. Endi men na malikaman, na asiraman. Men shunchaki unikiman

𝑆𝑎𝑟𝑘𝑎𝑟𝑑𝑎 𝐽𝑒𝑜𝑛 𝐽𝑢𝑛𝑔𝑘𝑜𝑜𝑘 𝑘𝑢𝑛𝑑𝑎𝑙𝑖𝑔𝑖𝑑𝑎𝑛

"Uni daryodan olib chiqqanimda, yuragim to‘xtab qolgandek bo‘ldi. Agar u ko‘zini ochmaganida, men bu dunyoni haqiqatdan ham kulga aylantirgan bo‘lardim. Li Kan hali tirik, u bizni qidiradi. Lekin endi qo‘rquv yo‘q. Zangori oy bizni qutqardi. Qilichim endi faqat uning tabassumini himoya qiladi."

𝑌𝑜𝑣𝑢𝑧 𝐿𝑖 𝐾𝑎𝑛 𝑘𝑢𝑛𝑑𝑎𝑙𝑖𝑔𝑖𝑑𝑎𝑛

"Ular suvga g‘arq bo‘lishdi deb o‘ylaganlar ahmoqdir. Men daryo bo‘yida o‘sha qimmatbaho marjonning parchasini va erkak kishi zirhining bo‘lagini topdim. Ular tirik. Va bu o‘yin endi qiziqarli tus olmoqda. Ularni qidirib toping! Men ularga Zangori oy qanday olovga aylanishini ko‘rsatib qo‘yaman."

𝑇𝑜 𝑏𝑒 𝑐𝑜𝑛𝑡𝑖𝑛𝑢𝑒𝑑....