Sirli Maktab
47-QISM: "YONG‘INGA AYLANAYOTGAN JIMJITLIK"
Qorong‘u tun. Yomg‘ir yerdan o‘chmas iz qoldirgandek tinimsiz yog‘ardi. Yoo-jin akademiyaning orqa hovlisida, yomg‘irda ho‘llanib turgan eski supada sukut ichra o‘tirar edi. Uning ko‘zlarida har xil savollar — nima bo‘ldi? Nega bo‘lyapti? Va, eng muhimi… Taehyung uni yana nega qutqardi?
Orqasidan bir qadam tovushi eshitildi. Og‘ir, salobatli, lekin ichida g‘am yashiringan tovush. Bu — Jin edi.
— “Bu yerda nima qilyapsan, Yoo-jin?” — dedi u sekin, lekin yuragidagi xavotirni yashirmay.
Yoo-jin jilmayishga urindi, ammo bu kulgu singari edi — quruq va og‘riqli.
— “Hamma yolg‘onchi, Jin. Taehyung, Jimin, hatto... sen ham,” — dedi u nigohini pastga qadab.
Jin bir muddat indamadi. Keyin asta yurib, uning yoniga o‘tirdi. Yomg‘ir ikkalasining yelkalarini ho‘l qilgan edi.
— “Men seni himoya qilmoqchi bo‘ldim. Lekin bu dunyoda haqiqat — eng xavfli narsa. Agar seni himoya qilish uchun yolg‘on gapirishga to‘g‘ri kelsa, men buni yana qilaman,” — dedi Jin, yuzini boshqa tomonga burib.
Yoo-jin titradi. Jin uni iliq ko‘ylagi bilan yopa boshladi, ammo u ko‘ylakni tortib qo‘ydi.
— “Endi hech kimga ishonmayman…”
Shu payt… Mafiya bazasida, Taehyung
Kiyinayotgan Taehyung o‘zining qonli kaftiga qaradi. U Jin bilan dushman klan boshlig‘i o‘rtasidagi muzokaraga maxfiy ravishda bostirib kirgan edi. U bugun bir kishini o‘ldirdi. Lekin bu safar bu oddiy topshiriq emasdi — o‘sha odam Yoo-jin haqida nimadir bilardi.
— “Agar ular unga tegsa, men butun dunyoni yoqib yuboraman…”
U eshikni ochdi. Oppoq devorlarga o‘xshagan qamoqxona ichidan bir narsa chaqdi — bu qorong‘ulikda yonib turgan bitta fotosurat edi. Yoo-jinning bolaligidan surat. Orqasida esa — "Qaytganimizda uni olib ketamiz" degan yozuv.
— “Jungwook... bu senmiding?!” — deya tishini g‘ijirlatdi u.
Namjoon va Suga yerto‘lada sirli xujjatlarni ko‘rib chiqmoqda edi. Qo‘llarida Yoo-jin va Jinning haqiqiy oilasi haqida sirli fayl bor edi. Fayl nomi: “A001–SIN: Qonuniy merosxo‘r”
Namjoon ohangini pasaytirib so‘radi:
— “Agar bu to‘g‘ri bo‘lsa... unda Yoo-jin haqiqatan ham bizdan emas...”
— “Va bu hammasini o‘zgartiradi. Jin buni bilsa, yuragi ko‘tarolmaydi. Jimin... u albatta yonib ketadi. Ammo eng xavfli narsa... Taehyung bunga qanday javob beradi?”
Tun oxirida... Yoo-jin maktab koridorida
Yolg‘iz qadam tovushlari. U devorga suyanib o‘tirgandi, ko‘zlarida yosh, ammo labida: “Endi ularni yo‘q qilaman. Meni aldaganlarni. Meni sevib, so‘ngra xiyonat qilganlarni. Hammasini...”
Shu payt orqasidan Taehyung paydo bo‘ldi. Uning ko‘zlarida g‘am, g‘azab, va... achinish bor edi.
— “Senga yana zarar tegsa, men o‘zimni kechirolmayman,” — dedi u past ovozda.
Yoo-jin unga qaradi. Ko‘zlari rangini yo‘qotgan, ammo yuragida allaqanday narsa g‘imirlab turgandi.
— “Unda menga yordam ber. Yolg‘onchilarni yo‘q qilamiz.”
Ikki yurak jimjitlikda urishdan to‘xtadi.
Yong‘in boshlanmoqda edi… ammo bu hali boshlanishi edi, urush endi boshlanadi.
48-QISM: "Sirli Fayl: A001–SIN"
Suga va Namjoon yerto‘lada topilgan faylni diqqat bilan o‘qib chiqmoqda edi. Har bir sahifa — boshqa dunyo. Yoo-jin aslida mafiya imperiyasining qonuniy merosxo‘ri edi. U tug‘ilgan zahoti onasidan ajratilgan va boshqa oilaga topshirilgan. Chunki... haqiqiy merosxo‘r bo‘lish — hayot uchun do‘zaxga kirish demak edi.
— “Demak Jin, Jungkook, Jimin — ular ham buni bilgan,” — dedi Namjoon sekin.
— “Yo‘q... bu sir faqat bizga ochilgan. Ammo endi... bu hammamizni o‘ldirishi mumkin,” — dedi Suga.
Ular bir-biriga qarashdi. Faylning oxirida bitta jumla:
"Qon merosi qaytadi. Qon qasos oladi."
49-QISM: "Jin yuragidagi portlash"
Jin Yoo-jinni himoya qilayotgan edi. Lekin yuragida shubha o‘sib borardi. U axborot yig‘ish uchun akademiya rektorining xonasiga bostirib kirdi. Kompyuterdagi maxfiy faylni ochgan zahoti... haqiqat uni yo‘q qildi.
— “Yoo-jin... mening singlim emas? Yo‘q... bu yolg‘on bo‘lishi kerak…” — dedi u pichirlab, ko‘zlari yoshga to‘lib.
U qattiq stulga tepdi. Yuragida g‘am va g‘azab.
— “Agar bu rost bo‘lsa... biz ham uni o‘ldiradiganlardanmizmi?” — dedi u o‘zidan o‘zi.
O‘sha kecha Jin yo‘qoladi. Uni hech kim ko‘rmaydi. Jin endi kimligini anglash uchun yo‘lga chiqadi — va yolg‘izlik unga yoqadi.
Yoo-jin, Suga, Namjoon, va Taehyung bir xona ichida. Qorong‘i. Tashqarida qurollangan dushmanlar ularni o‘rab olgan. Ammo eng katta xavf — ichkarida edi
Jimin kirib keldi. Uning qo‘lida qurol. Unga ikki tomondan buyruq berilgan:
— Yoo-jinni o‘ldir — aks holda sening o‘tmishing ochiladi.
Taehyung unga qarab turdi. Ko‘zlarida ishonch yo‘q.
Yoo-jin esa indamadi.
Jimin qurolni ko‘tarib, sekin qadam tashladi. Yuragi urardi.
— “Menga bu tanlovni majburlaganlar, meni yo‘qotishadi.”
— “Lekin men dushman emasman. Yoo-jinni himoya qilaman!”
Birinchi marta — Jimin haqiqatdan ham do‘st bo‘ldi.
51-QISM: "Jungwookning xiyonati"
Jungkook yashirin hududda. U Yoo-jin haqidagi sirni kimlargadir yetkazmoqda. U telefon orqali:
— “Ha, qiz tirik. U siz izlayotgan qon egasi. Pulni ko‘paytiring. Aks holda uni o‘zim sotaman,” — dedi.
Ammo orqasidan Jin chiqdi. Ko‘zlarida olov.
— “Sening qilgan ishing... meni ham, Yoo-jinni ham sotish edi?”
— “Bu dunyoda hayotda qolish uchun... sotish kerak, Jin. Sevgi bilan yashab bo‘lmaydi.”
Ular o‘rtasida mushtlashuv boshlanadi. Jin yiqiladi, ammo ko‘zlarida yong‘in:
— “Seni yana ko‘rsam... o‘zim yo‘q qilaman.”
52-QISM: "Taehyungning qasami"
Yoo-jin, Taehyungning xonasida. U devorda o‘zining bolalik rasmi, onasi bilan bo‘lgan suratlarni ko‘rmoqda. Ko‘zlari yoshlanadi.
— “Men kimman, Taehyung? Sen haqiqatni bilasan... menga nega aytmading?”
— “Men senga aytmasligim kerak edi. Chunki haqiqat seni o‘ldirardi.”
U unga yaqinlashdi. Uning qo‘llarini ushlab, ko‘zlariga qaradi.
— “Lekin endi sendan hech narsa yashirmayman. Hattoki bu meni o‘ldirsa ham... seni himoya qilaman. Bu — mening qasamim.”
Yoo-jin ko‘zlarida yosh, lekin yuragida — ilk bora ishonch.
— “Devorlar yiqilsa ham, men sendan voz kechmayman.”
Akademiya tuni. Tinchlik. Ammo bu faqat ko‘rinishda edi.
To‘satdan osmondan dronlar uchdi. Portlashlar boshlandi. Notanish qaroqchilar Yoo-jinni o‘g‘irlash uchun keldi. Suga va Namjoon darhol jang holatiga o‘tishdi. Jimin esa Yoo-jinni qo‘riqlab, unga qalqon bo‘ldi.
Ammo bir zarbada... Jimin o‘q yedi.
Taehyung unga yetib keldi, uni quchdi.
— “Ularni yo‘q qilaman. Sen faqat tirik qol.”
Va shu on... Yoo-jin birinchi marta o‘z ichidagi kuchni ishga soldi. Uning nigohida... yangi shiddat bor edi. U endi qurbon emas edi. U endi jangchi edi.
54-QISM: "Men endi qurbon emasman"
Jimin o‘q yeganidan keyin akademiyada har bir soniya og‘irlik bilan o‘tmoqda. Yoo-jin qonli qo‘llari bilan Jiminni tutgancha yig‘lamoqda. Suga va Namjoon tez tibbiy yordam ko‘rsatmoqda.
Taehyung esa dushmanning liderini ortidan quvmoqda.
Ammo Yoo-jin birdan to‘xtaydi. Uning nigohi sovuq.
— “Men bunga chek qo‘yaman. Men ularning oldida bo‘sh bo‘la olmayman. Endi yetar.”
U xona ichidagi derazani sindirib, o‘qotar qurolni qo‘lga oladi.
Namjoon hushyorlik bilan qaraydi:
— “Ularni topaman. Jin qayerda bo‘lsa ham, Jungkook qayerga yashirinsa ham — men boraman. Endi men himoyaga muhtoj emasman.”
Bu — Yoo-jinning tug‘ilishi edi. Endi u kimligini anglay boshladi: merosxo‘r, kuchli, va xavfli.
55-QISM: "Qorong‘ilikdan chiqqan Jin"
Jin bir necha kundan beri g‘oyib bo‘lgan. Uning yuragi, ongini titratgan haqiqat uni jimjitlikka g‘arq qilgan edi. U tog‘lar orasidagi eski bazaga qaytadi — bu ularning bolalikdagi ta’lim joyi edi.
U yerda uni kutilmagan odam kutmoqda: Otasi.
Nafratli nigohlar bilan.
— “Seni olib ketganimda sendan Jin emas, qurol yasamoqchi edim. Lekin sen zaifsan.”
Jin sekin oldinga yurdi. Yuzida yillik azob bor edi.
— “Men endi o‘zimni himoya qilish uchun emas, boshqalarni himoya qilish uchun jang qilaman.”
— “Seni sindiraman. Yoo-jinni ham. U bizning qiz emas.”
— “U bizning qiz emas, lekin u mening... o‘zim tanlagan singlim.”
U xonadan chiqdi. U endi yakkama-yakka jangga tayyor edi. Jin qaytdi.
56-QISM: "Jung Hoseok: Haqiqat yuzasida"
J-Hope oxirgi paytlarda jim edi. Lekin u ham o‘ziga xos rolni bajarayotgan edi. U maxfiy tarzda harakat qilib, dushman mafiyasining bir qismi bo‘lgan sobiq murabbiylarini kuzatgan.
U ularning harakatlarini yozib olgan. Ammo... ular orasida tanish bir odam bor edi: Yoo-jinning haqiqiy otasi.
— “Bu rost bo‘lishi mumkin emas...”
U barcha dalillarni olib Taehyungga ko‘rsatadi.
— “Yoo-jin aslida ularnikimi?”
Taehyung bu xabarni eshitib, jim turadi. Ko‘zlarida og‘riq.
— “Demak... biz uni yillar davomida o‘z hayotidan ajratganmiz.”
Yuraklar sinmoqda. Lekin bu — endi haqiqat bilan yuzlashish davri.
Akademiya devorlari orasida vaqtincha tinchlik. Yoo-jin, Taehyung, Namjoon, Suga, Jimin (haligacha hushsiz), va J-Hope yig‘ilgan.
Fikrlar bo‘linmoqda. Kimdir urushni to‘xtatmoqchi. Kimdir — yo‘q qilishni.
— “Men murosa qilishni xohlamayman. Men bularning hammasiga chek qo‘yishni xohlayman. Agar meni bu urushga tortgan bo‘lsangiz, men uni yakunlayman.”
Namjoon o‘ylab turib, boshini irg‘adi.
— “Demak biz sening ortingdan boramiz.”
Yigitchalar bir-biriga qaradi. Bu — ularning oxirgi birlashuvi bo‘lishi mumkin.
Taehyung esa faqat Yoo-jinga qaradi:
— “Men sening yoningda qolaman. Hamma narsa barbod bo‘lsa ham.”
58-QISM: "O‘g‘irlangan xotiralar"
Suga Yoo-jinning onasi haqida yangi fayl topadi. Unda aytilishicha, Yoo-jinning bolalikdagi ba’zi xotiralari maxsus dorilar bilan o‘chirilgan.
Bu — unga kimligini unuttirish uchun qilingan edi.
Yoo-jin eshik ortidan buni eshitib qoladi.
U derazaga qarab, ko‘zlarida sukunat bilan pichirlaydi:
— “Shuning uchun men doim bo‘shliqni his qilganman...”
U bolalikdagi eski joyiga boradi — yodgorlik bog‘iga.
U yerda chang bosgan o‘yinchoq topadi. Unga ilib qo‘yilgan yozuv:
“Yoo-jin, onang seni sevadi.”
U qattiq yig‘laydi. Endi u orqasidagi zulmatni tushunadi.
59-QISM: "Taehyung — qorong‘ulikning o‘g‘li"
Bu qismda Taehyung o‘z haqiqati bilan yuzlashadi. U sevgan qiz — dushmanlarining nishoni. U esa — qotillar oilasida ulg‘aygan.
U oynaga qarab, yuzini ko‘zdan kechiradi.
— “Men uni himoya qilish uchun dunyoni yo‘q qilishga tayyorman. Lekin uni sevganim uchun o‘zimni yo‘q qilishga ham tayyorman.”
Yoo-jin kirib keladi. Ular bir-biriga qaraydi. Ko‘zlarda jimjimo.
— “Agar bu urush sening yuragingni sindirsa... meni unut,” — dedi Taehyung.
— “Men seni hech qachon unutmayman. Hattoki yuragim bo‘laklarga bo‘linsa ham.”
Ular quchoqlashadi. Bu — urushdan oldingi so‘nggi sukunat edi.
60-QISM: "Qon, olov va oxirgi reja"
Ular barchasi qora kiyimda. Tungi reyd boshlanmoqda. Maqsad — Yoo-jinning haqiqiy otasi boshliq bo‘lgan dushman mafiyani yo‘q qilish. Ammo bu urush — oson bo‘lmaydi.
Har bir qadam, har bir nafas — o‘lim bilan yuzma-yuz.
Jin qaytadi. U ularni bazaning orqa darvozasi orqali kiritadi.
— “Men buni tugatish uchun qaytdim.”
Yoo-jin unga birinchi marta ko‘z yosh bilan qaraydi:
— “Seni yana ko‘rganimga ishonmadim.”
— “Men hech qachon ketmaganman, Yoo-jin. Endi barchasini birga tugatamiz.”
Ular bazaga bostirib kiradi. Dushmanlar hushyor. Qo‘rqinchli to‘qnashuv — endi boshlanmoqda.
Baza ichiga kirishgan Yoo-jin va aka-ukalari qop-qorong‘u tunnel ichida harakatlanmoqda. Oldinda faqat qora jimjitlik.
Taehyung pichirlab gapiradi:
— “Bu devor orqasida u bor. Uni o‘ldirishga tayyormisan?”
Yoo-jin nigohini pasga qaratdi. Yuragi urmoqda.
— “U mening otam bo‘lsa ham, meni tark etgan. U meni o‘ldirmoqchi edi. Ha... tayyorman.”
To‘satdan portlash!
Dushmanlar bilan birinchi to‘qnashuv boshlanadi. O‘qlar yog‘iladi. Suga zarba oladi, lekin yiqilmaydi.
Birinchi qon to‘kiladi. Bu endi qaytishsiz yo‘l edi.
62-QISM: "Dushman yuragi — otaning ko‘zlari"
Uzoq koridor oxirida bir odam kutmoqda. Orqa tomonda oltin yoritilgan xona. U — Yoo-jinning haqiqiy otasi. Qoshlar orasida chiziq, ko‘zlarida sovuqlik.
— “Men seni himoya qilmoqchi edim. Lekin vaqt o‘tdi. Endi sen dushmansan.”
Yoo-jin titraydi. Bu odamdan tomirlaridagi qon. Ammo yuragida – nafrat.
— “Menga seni yo‘q qilishni o‘rgatishdi. Lekin men... bu vazifani o‘zim tanlayapman.”
U otasining ko‘ziga qarab o‘q uzadi. Otasi qulab tushadi.
Yoo-jin tiz cho‘kadi. Ko‘zlaridan yosh emas — qon oqyapti.
63-QISM: "Jiminning oxirgi daqiqalari?"
Portlashdan keyin Jiminning ahvoli og‘irlashadi. Tibbiy punktga olib kirishgan, ammo qon to‘xtamayapti.
J-Hope yonida, ko‘zlarida yosh bilan turibdi:
— “Qattiq tur, do‘stim. Biz seni yo‘qotolmaymiz.”
Jimin sekin ko‘zini ochadi. Past ovozda:
— “Ayt... Yoo-jinga... men uni... faqat do‘st sifatida emas... sevganimni ayt…”
— “Sen o‘lmaysan, Jimin! Sen hali unga o‘zing aytasan!”
Yorug‘lik pasaymoqda. Yuraklar ezilmoqda. Shifokorlar yugurmoqda. Jimin – hayot va o‘lim orasida.
64-QISM: "Qutqarilgan Jin, halokatli Tanlov"
Jin dushman bilan jangda asirga tushadi. Qo‘l-oyog‘i bog‘langan. Yonida — o‘ldiruvchi inyektsiya.
— “Seni o‘ldirish men uchun muammo emas. Ammo agar Yoo-jinni olib bersang, seni tirik qoldiraman.”
Jin asta jilmaydi. Labida qon.
— “Yoo-jin sen uchun mablag‘, lekin men uchun — hayot.”
Jungwook unga suyunmay qaraydi.
Jin asta ko‘zini yumdi va kuchli harakat bilan o‘zini inyektsiyadan xalos qiladi, jang boshlanadi. Yarador holatda chiqib ketadi.
— “Men har doim sening yoningda bo‘laman, Yoo-jin…”
65-QISM: "Taehyungning yo‘qotishi"
Yoo-jin bazaning eng ichki qismida jang qilmoqda. Taehyung esa yuqorida dushmanning snayperi bilan kurashmoqda. U oxirgi dushmanni yiqitgan payt... orqasidan o‘q tegadi.
Taehyung yiqiladi. Qo‘lida — Yoo-jinning surati. Ko‘zlarini yummoqda.
— “Meni kechir. Men seni sevaman…”
Yoo-jin yiqilib, uni bag‘riga bosadi. Qichqiriq — bazani larzaga soladi.
— “Sen o‘lma... biz hali birga bo‘lishimiz kerak edi...”
66-QISM: "Yurak portlagan tun"
Barcha dushmanlar yo‘q qilindi. Baza yonmoqda. Ammo yuraklar parcha.
Suga, Namjoon va J-Hope yarador. Jin hushsiz. Yoo-jin esa – Taehyungni ko‘tarib chiqmoqda. Yuragida qasos, azob va umid aralash.
To‘satdan Taehyung o‘zini harakatlantiradi. Hali o‘lmagan!
— “Sening ismingni oxirgi marta aytishim mumkin deb o‘yladim...”
— “Sen meni tark eta olmaysan. Biz hali boshlamadik ham.”
Yomg‘ir yog‘moqda. Yong‘in tugagan.
Ammo — yangi davr boshlanmoqda.
67-QISM: "Qon va muhabbatdan tug‘ilgan kelajak"
Hamma shifo topmoqda. Yoo-jin eshikdan chiqadi, akademiyaga qaytadi. U endi o‘sha qiz emas. Endi u – Merosxo‘r, jangchi, va eng muhimi – o‘z hayotining egasi.
— “Sen bizga qiz bo‘lib kelganding. Endi esa... qirolichaga aylanding.”
U orqaga qaraydi. Taehyung unga yaqinlashadi.
— “Sen uchun men endi kimman?” — deydi u past ovozda.
— “Sen – meni tirik saqlagan yuraksan.”