Sirdaryo viloyati ishchi guruhi tomonidan Guliston shahrida joylashgan muzey, suzish havzalari va temiryo'l vokzalida o'rganish ishlari olib borildi.

Oʻzbekiston Respublikasi Vazirlar Mahkamasining 2022-yil 27-apreldagi 203-F-sonli farmoyishlariga muvofiq, viloyatdagi barcha turizm namoyish obyektlari (madaniy meros obyektlari, ziyoratgohlar, turizm zonalari, sihatgoh va dam olish zonalari, sport-sogʻlomlashtirish muassasalari, ommaviy namoyish joylari, madaniyat va istirohat bogʻlaridagi xatlovdan oʻtkazilgan obtektlarni oʻrganish koʻzda tutilgan.

Mazkur farmoyish ijrosini sifatli ta'minlash maqsadida bugun Guliston shahrida joylashgan muzey, suzish havzalari va temiryo'l vokzalida Sirdaryo viloyati ishchi guruhi tomonidan o'rganish ishlari olib borildi.

O'rganish davomida har bir obyekt mas'ul xodimlariga ishchi guruh tomonidan sanitariya gigiyena jihatdan kamchiliklar ko'rsatilib ularni qisqa muddatlarda bartaraf etish choralarini ko'rishlari uchun kerakli ko'rsatmalar berildi.

Muzey, suzish havzalari va temiryo'l vokzali mas'ullari chaqirilib, ularga Oʻzbekiston Respublikasi Vazirlar Mahkamasining 2022-yil 27-apreldagi 203-F-sonli farmoyishlari mohiyati va uning talablari aytib o‘tildi, farmoyishda berilgan topshiriqlarni zudlik bilan bajarish, tashkilotlarning me’yoriy hujjatlardagi talablarni tashkil qilish masalalari qo‘yib berildi.