“Yoshlar turizmi” xalqaro II qurultoyida munosiblar taqdirlandi!
Joriy yilning 7-11 avgust kunlari Qashqadaryo viloyati, Shahrisabz tumanidagi “Lochin” oromgohida “Yoshlar turizmi” II xalqaro hamda ilk marotaba “Yosh ekologlar” harakati qurultoylari o‘tkazildi.
Tadbirda Tojikiston, Qirg‘iziston, Qozog’iston, Turkiya kabi davlatlar, shuningdek, Respublikamzning 14 hududdan 50 nafardan iqtidorli, ijtimoiy himoyaga muhtoj, jumladan nogironligi bo‘lgan yoshlar hamda “Yoshlar daftari”ga kiritilgan o‘quvchi va talabalar yoshlari ishtirok etishdi.
Qurultoy davomida “Turizm va ekologiya“ mavzularida o’quv seminar, “Zakovat” intellektual o’yini, “Biz bir jamoamiz” hududlarning sahna ko’rinishlari tanlovi, “Yulduzlar tashrifi, “Turizm kvest”, “Turizm spartakiadasi” sport musobaqasi tanlovlari hamda Yosh turizm elchilari va “Yosh ekologlar” harakati Respublika Kengashlariga saylovlar o‘tkazilib, eng faol yoshlar saralanib olindi.
Elchilar orasida Sirdaryolik yoshlar ham bor. Jumladan:
- Sirdaryo viloyati Yosh turizm elchisi - Orifjonova Nigora Rahimjon qizi;
- Sirdaryo viloyati “Yosh ekologlar” harakati elchisi - Boboyeva Sitora Pirimqul qizi
Shu bilan birgalikda, "Turizm kvest" tanlovida 2-o‘rinni
“Turizm spartakiadasi” sport musobaqasida 4-o‘rinni Sirdaryolik yoshlar qo‘lga kiritdi.
Mazkur Kengashlar a’zolarining 2023-2024 yiillar davomidagi faoliyatiga muvaffaqiyat tilanib, Ekologiya, atrof-muhitni muhofaza qilish va iqlim o‘zgarishi vazirligi va Turizm qo‘mitasi tomonidan ularga kelgusida yirik loyihalarni amalga oshirishda zaruriy sharoitlar yaratib berilishi qayd etildi.
Tadbir yakunida Shahrisabz tumanidagi Lochin bolalar sog‘lomlashtirish oromgohida qurultoy tadbirlarining tantanali yopilish marosimi tashkil etildi.