"Ko‘pkurash" harbiy-vatanparvarlik sport musobaqasining Sirdaryo viloyati bosqichi bo‘lib o‘tdi!
"Ko‘pkurash" harbiy-vatanparvarlik sport musobaqasining Sirdaryo viloyati bosqichi bo‘lib o‘tdi!
O'zbekiston yoshlar ittifoqi Sirdaryo viloyati Kengashi tomonidan Sirdaryo viloyat hokimligi, Yoshlar ishlari agentligi Sirdaryo viloyati boshqamasi hamda bir qator hamkor tashkilotlar bilan birgalikda "Tinchligimiz, taraqqiyot va farovonlik uchun!" shiori ostida o‘tkazilayotgan Respublika "Ko'pkurash" harbiy vatanparvarlik sport musobaqasining Sirdaryo viloyati bosqichi o‘tkazildi.
Musobaqaning viloyat bosqichida jamoalar tezkor savol- javob bahsi, “AKM” avtomatini qismlarga ajratish va yig‘ish, kamondan o‘q otish, harbiy biatlon, arqon tortish shartlari bo‘yicha bahs olib borishdi.
Bahslarda musobaqaning tuman-shahar bosqichlarida g'olib bo'lgan jamoalar o'zaro bellashdi. Murosasiz kechgan musobaqaning Sirdaryo viloyati bosqichi yakunlariga ko'ra Boyovut tuman 2-sonli kasb-hunar maktabi jamoasi g‘oliblikni qo‘lga kiritdi. G'olib jamoalar pul mukofotlari va qimmatbaho sovg‘alar bilan taqdirlandi.
O'zbekiston yoshlar ittifoqi Sirdaryo viloyati Kengashi Boyovut tuman 2-sonli kasb-hunar maktabi jamoasiga Respublika bahslarida omad tilaydi!
