𝗢𝗤 𝗟𝗜𝗕𝗢𝗦𝗗𝗔𝗚𝗜 𝗦𝗘𝗩𝗚𝗜𝗟𝗜𝗠

PovAuthor:
Oq libosdagi qiz oyna qarshisida turardi, libosining yengil matosi har bir nafasida mayin silkinib, xonaga taralayotgan jimlikni yanada chuqurlashtirar, oq rang uning yuziga beg‘ubor nur berib, ko‘zlaridagi ichki bo‘ronni yanada ochiq ko‘rsatardi; oyna esa hech narsani yashirmasdi — unda qizning kutish bilan qorishib ketgan nigohi, aytilmagan so‘zlarga to‘la lablari va yuragining sekin, ammo notekis urishi aks etardi, xona shu qadar jim ediki, go‘yo vaqt ham nafasini ichiga yutib turgandek tuyulardi, ayni shu payt eshik ochildi va bu ovoz baland bo‘lmasa ham butun mavjudlikni larzaga keltirdi, Taehyung ichkariga kirdi, uning qadamlarida shoshqaloqlik yo‘q, ammo har bir bosishda og‘ir xotiralar, o‘tmishda qolgan qarorlar va hanuz uzilmagan hislarning vazni sezilib turardi, u bir lahza to‘xtadi, xuddi bu manzarani buzib qo‘yishdan qo‘rqqandek, Aein esa oynada uning aksini ko‘rib qoldi va shu bir zum ichida yuragi qattiqroq urib ketdi, lekin u orqasiga o‘girilolmadi, chunki qarasa yuragi bardosh berolmasligini ich-ichidan bilardi, Taehyung ham jim qoldi, so‘zsiz qaradi, uning nigohi Aeinning yelkalarida to‘xtab, u yelkalarda nafaqat oq libos, balki chidam, sabr va sukut ko‘rinib turgandek edi, ular orasida bir necha qadamlik masofa bor edi, ammo shu masofa ichida aytilmagan sevgi izhorlar, vaqtida tan olinmagan muhabbat va hali ham so‘nmagan umid sig‘ib ketardi, xona yana jim bo‘ldi, lekin bu oddiy jimlik emas edi — bu jimlik yurakka sekin kirib, ichkarida titroq uyg‘otadigan, nafasni toraytirib, ko‘zlarni namlaydigan, sukunatning o‘zi ham hisga aylangan bir lahza edi. Taehyung oradagi masofani yopdi. Uning iliq va metindek qo'llari, qizning ingicha belidan mahkam o'raldi. Taehyung qizni orqasini o'z ko'ksiga mahkamladi. Yigit yuzini qizning bo'yniga ko'mdi va qizning tabiiy vanilla iforidan to'yib nafas oldi. Yigit qo'li ustiga Aein kaftlarini o'radi. Yigit qiz bo'ynidan uzoqlashishdan oldin, qiz bo'yniga nam bo'sa qoldirdi va qaddini rostladi, qo'llarini qiz yelkasiga ko'tarib, ohista o'zi tomon qaratdi.

– Men sening go'zalliging oldida ojizman, sevgilim. Juda ham chiroylisan. – Taehyung ko'zlari olovdek yonardi. Qarshisidagi malika uning rafiqasi bo'lishi yigitni hayajonga solardi.

– Tae~ men judayam hayajonlanyapman. – qiz ovozida biroz titroq bor edi ammo yuzida so'nmas haqiqiy baxt ham. Taehyung gapirishdan oldin qiz peshonasidan o'pdi.

– Hayajonlanma. Lekin o'zim ham hayajonlanyapman, aww. Seni zalda kutaman, azizam – degancha qiz lablariga tezlikda bo'sa qoldirdi lekin negadir uzulishni istamagan Taehyung tili qiz og'iz boshlig'iga kirdi. Shunda Aein yigit ko'ksiga ohista urdi. Shunda Taehyung tezda uzoqlashdi. Qiz labidagi lab boyog'i endi ikkisi labini bo'yagan edi.

– Taehyung, balki shu holda chiqarsiz? – dedi qiz kulgusini yashirishga urunib. Taehyung tezda oynadagi aksiga qaradi.

– Sen ham shu holda chiqsangchi? – dedi Taehyung nam salfetkani olib lablarini ohista arta boshladi. Qiz tezda oynaga qaradi. Qiz lab boyog'i lablari chetidan chiqib ketgan edi.

– Kim Taehyung! Biroz sabr qilsangiz nima bo'lardi? Menga stilistlar kerak. – qiz labini nam salfetka bilan artishga harakat qildi ammo Taehyung kulgancha qizga yaqin kelgan edi ham qiz orqaga qadam tashladi. – Hoy, Kim Taehyung bu haqida o'ylamang ham. – Yigit lablarini namlab qizning ochiq bo'yniga qarardi.

– Yaxshi, yaxshi. Lekin bugun tunda mendan qochib qutula olmaysan, yovvoyi yo'lbarscham.

PovAuthor:

Aein bu safar yolg‘iz emas edi — u otasining yonida, sokin va salobatli qadamlar bilan to‘yxonaning markaziga tomon yurardi, otasining qo‘li qizining qo‘lini mahkam, ammo mehr bilan ushlab turar, bu qo‘lda yillar davomida berilgan tarbiya, duo va ishonch mujassam edi; Aein nafis, yopiq va pokiza libosda edi, libosining har bir qavati hayo va sharafni eslatib, qiz nigohida sof muhabbat bor edi, to‘yxona esa go‘yo oddiy joy emas, balki tarix sahnasiga o‘xshardi — baland shiftlardan osilgan billur qandillar yorug‘likni ming bo‘lakka bo‘lib, har bir nur zarrachasini mehmonlar ustiga marvariddek sochar, devorlar oq va oltin ranglarda bezatilgan, nozik islomiy naqshlar esa to‘yxonaga muqaddaslik bag‘ishlar edi. Aein uchun Taehyung buni qilgan edi, sahna markazida Qur’on oyatlari yozilgan nafis panellar joylashtirilgandi. Fon esa sokin yashil va oq ranglarda uyg‘unlashgan, havoda atir va yangi gullarning hidi aralashib, yurakka osoyishtalik olib kirardi, mehmonlar orasida mashhur insonlar, idollar, korea aktyor va aktrisalari bor edi, lekin shu shon-shuhrat ichida ham sukunat hukmron edi, chunki bu lahza — nikoh lahzasi edi; Taehyung sahna oldida tik turardi, o‘ta did bilan kiyilgan kiyimi, nigohida hayajon bilan birga chuqur hurmat aks etardi, u Aein va uning otasini ko‘rgan zahoti bir lahza nafasini ichiga yutdi, go‘yo vaqt yana to‘xtagandek, Aein otasining yonida unga yaqinlashar ekan, yuragi tez urar, taqdirga topshirilgan ishonch edi, otasi qizini Taehyung oldiga olib kelib, nigohi bilan so‘zsiz qaradi, bu nigohda “omonatni topshiryapman” degan ma’no bor edi, zal bo‘ylab sokin musiqa yangradi, ovoz sokin, lekin yurakni titratadigan darajada chuqur edi, mehmonlar bosh egib, bu muqaddas onga guvoh bo‘lishardi, bu to‘y shunchaki mashhur emas edi — bu to‘y poklik, rozilik va taqdir birlashgan, shon-shuhrat ham sukut saqlashni o‘rgangan, yuraklar esa so‘zsiz mehr nigohlar bilan to'la edi. Qiz qo'lini o'z kaftiga olgan Taehyung, Aeinning otasi oldida bosh egdi. Va ular ruhoniy (uning oldida Islom dinidagi inson ham bor edi) oldiga borishdi.

– Kim Taehyung siz Kim Aeinni har qanday holatda qabul qilishga, o'z joningiz bilan himoya qilishga, yig'laganda suyanchiq bo'lishga, kulganda baxtiga sherik bo'lishda va uning sodiq eri bo'lishga rozimisiz – Ruhoniy sof koreys tilida gapirdi. Taehyung qizga sevgi nigohi bilan qarab, baland ovozda

– Ha, men roziman! – dedi.

– Kim Aein, Kim Taehyungning yomon kunida yonida bo'lishga, uni butun borlig'ingiz bilan sevishga, har doim uni qo'llab quvvatlab, har lahzada faqat uniki bo'lishga, uning rafiqasi bo'lishga rozimisiz? – deya Islom dinidagi erkak sof o'zbek tilida gapirdi. Aein ko'z chetida yoshlar to'plandi. Biroz boshi egilib turgan qiz, ohista onasiga boshini quyi qilib qaradi. Aeinning oyisi qiziga bor qalbidagi mehri bilan qarab turardi. Taehyung qizda biroz ikkilanishni sezdi ammo tezda qiz yanog'iga kaftini qo'ydi va bosh barmog'i bilan qiz ko'z yoshlarini artdi.

– Sevgilim, o'limimning o'sha yetti daqiqasidan keyin ham seni sevaman. Unutma, sen menga Allahga ishonishni o'rgatding va sen men uchun eng qimmatli ne'matsan. Menga ishon, Sohibjamolim. – degancha qizga pichirladi. Aein ham baland ammo nozik ovozi atrofda yangradi.

– Ha men roziman! – Aein yigit kaftiga yanog'ini suyagancha gapirdi. Bo'sa olish payti keldi. Aein biroz Taehyung qizarib qaradi. Sababi Aein ota onasidan uyalardi. Taehyung buni tushundi va ohista Jiminga qaradi. Buni payqagan Jimin Aeinning ota onasini chalg'itdi. Paytdan foydalangan Taehyung qiz labidan mayin ammo chuqur bo'sa oldi. Insonlar qarsak va hushtak chalgan ovozlari to'y zalini to'ldirdi.