Talabalar festivali doirasida loyihalar g‘olib va sovrindorlarini taqdirlash marosimi o‘tkazildi

Xabaringiz bor, 10-14-may kunlari Toshkent davlat yuridik universitetida Talabalar festivali bo'lib o'tgan edi. Mazkur festival doirasida o'tkazilgan tanlovlar va loyihalarda ishtirok etib g'oliblikni qo'lga kiritgan talabalar hamda festivalni tashkil etishda amaliy ko'mak berib kelgan xodim va o'qituvchilarni taqdirlash marosimi bo'lib o'tdi.

O‘tgan hafta davomida “Yoshlar hayotida besh muhim tashabbus” shiori ostida o‘tkazilgan Talabalar festivalida 23 ta loyiha va tanlovlar, huquqiy aksiyalar o‘tkazildi.

Ushbu festival doirasidagi loyiha va tanlovlarni o‘tkazish bo‘yicha talabalarning o‘zlari tashabbuskor bo‘lishi hamda unda ishtirok etish uchun 2 178 nafar talabalar ishtirok etish uchun ro‘yxatdan o‘tib, 1 546 nafari ishtirok etganliklari, loyiha va tanlovlar doirasida 2 000 dan ortiq talabalar tomoshabin sifatida ishtirok etib, kuzatib bordi.
Talabalar festivali doirasida 244 nafar talabalar diplom va pul yutuqlari bilan taqdirlandi, 32 nafar talabalar tashakkurnoma bilan taqdirlandi.