"Adabiyot va huquq uyg'unligi"

Toshkent davlat yuridik universiteti jamoasi tomonidan Adiblar bog'i majmuasida qad rostlagan zabardast ijodkorlarimizdan biri G'afur G'ulom haykali poyida navbatdagi ma'rifiy tadbir o'tkazildi.

Tadbirda universitet xodim-talabalari hamda Respublika dizayn maktabining iqtidorli o'quvchilari ishtirok etib, G'afur G'ulom ijodi va faoliyatining muhim jihatlari, uni o'rganishning bo'lajak huquqshunoslar va yoshlar uchun ahamiyatli ekanligi haqida ma'lumotlar berib o'tdilar.

Tadbir davomida universitetning G'afur G'ulom nomidagi maxsus stiendiya hamda ko'krak nishoni g'oliblari tomonidan adib ijodi va hayoti haqida fikrlar bildirildi. Adibning bir qator she'rlari talabalar tomonidan ijro etilib, "Shum bola" asari asosida parcha sahnalashtirildi.