Тошкент вилояти Қурилиш ва уй-жой коммунал хўжалиги бошқармаси: Байрам муносабати билан бир гypyҳ ходимлар “Уй-жой коммунал хизмат кўрсатиш аълочиси” кўкрак нишони билан тақдирланди (Фото)

Бош саҳифа | Русский язык

18 апрель – “Уй-жой коммунал хизмат кўрсатиш соҳаси ходимлари куни” муносабати билан Қурилиш ва уй-жой коммунал хўжалиги вазирлигининг масъул ходими томонидан бир гypyҳ ходимларни “Уй-жой коммунал хизмат кўрсатиш аълочиси” кўкрак нишони билан тақдирлади.

Маълумки, давлатимиз раҳбарининг “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги Фармонига мувофиқ икки вазирлик бирлаштирилиб, Қурилиш ва уй-жой коммунал хўжалиги вазирлиги ташкил этилди. Бу бевосита фаолият юритаётган соҳа вакилларига янада катта маъсулият юклайди.

Одамларнинг оғирини енгил қилиш энг ҳимматли касб, зеро коммунал ишчи-ходимлар елкасида аҳоли учун қулай яшаш шароитларини таъминлашдек катта масъулият ётади.

Ҳар бир оиладаги фаровонлик, ҳар бир уйнинг илиқлиги кўп жиҳатдан уй-жой коммунал хўжалиги тизимининг барқарор ва ишончлилигига, ушбу соҳада ишлайдиган одамларнинг маҳорати ҳамда юқори масъулиятига боғлиқ.

Сир эмас, ўтган қиш мавсуми барчамиз учун синовли келди. Бунда, айниқса, коммунал соҳа ходимларининг салоҳияти, фаолиятига бўлган садоқати, сабри ва матонати синалди.

Аномал совуқ ҳаво шароитида у хоҳ эркак ходим бўлсин, хоҳ аёл тунни тун, кунни кун демай ишлади. Шу жасорат эгаларидан миннатдор бўлишимиз даркор.

Бир сўз билан айтганда, юртдошларимиз оғирини енгил қилишдек заҳматли ва сермашаққат касбу кор билан жамиятда муносиб ўрин топаётган соҳа ходимлари фаолияти алоҳида эътирофга сазовордир.