Тошкент вилояти Уй-жой коммунал хизмат кўрсатиш бошқармаси: Куйичирчик туманидаги БСК томонидан “Навқирон” МФЙдаги 14-кўп квартирали уйнинг том қисми мукаммал таъмирланмоқда (Фото)
Бош саҳифа | Русский язык
Тошкент вилояти Куйичирчик туманида жами 58 та кўп квартирали уйларга “Do‘stobod Clean Citi” Бошқарув сервис компанияси хизмат қилади.
“Do‘stobod Clean Citi” МЧЖ 2021 йил 8 февралда ташкил этилган. Ушбу БСК “Балиқчи”, “Тўқбой”, “Навқирон”, “Ойдинобод”, “Пахтазор”, “Беруний”, “Тинчлик” ҳамда “Боғистон” МФЙларга, жумладан, 58 та уй 628 та хонадон эгаларига хизмат қилиб келмоқда.
Куйичирчик тумани “Навқирон” МФЙ Навқирон кўчасида жойлашган 14-сонли икки қаватли уйнинг том қисми таъмирланмокда.
“Навқирон” МФЙ Навқирон кўчасида 25 та кўп квартирали уй-жойлар мавжуд бўлиб, мазкур уй-жойлар 1977-78 йиллар давомида қурилган. Туман ҳудудида марказлашган канализация тизими мавжуд эмаслиги сабабли, уй-жойлар автоном равишда выгребной ямалар билан таъминланган. Хизмат кўрсатувчи ташкилот "Do‘stobod Clean Citi" БСК томонидан барча уй-жойлар куз-қиш мавсумига шайлиги хатловдан ўтказилиб, 14-сонли уйнинг том қисмини жорий таъмирлаш зарурлиги аниқланди.
14-сонли уй-жойнинг том қисми сўнгги маротаба 1991 йилда фальгоизоль билан ёпилган эди. Ташқи омиллар ва бўлиб ўтган ёғингарчиликлар натижасида фальгаизол деярли яроқсиз аҳволга келиб қолганди.
Натижада кўп квартирали уй-жойда истиқомат қилувчи 8 нафар оила куз-қиш мавсумини хавотир билан ўтказишар эди. Аҳолига қулайлик яратиш мақсадида хизмат кўрсатувчи компания томонидан айни кунда мазкур уй-жойнинг том қисмини шифер билан ёпиш ишлари олиб борилмокда.
Таъмирлаш ишларини жорий йилнинг 10 октябригача якунлаш режалаштирилган. Олиб борилаётган ишлардан аҳоли, айниқса, уйларидан чакки ўтишидан чарчаган ёш болалар жуда мамнун эканлигини маълум қилишмоқда.
Бундай ҳайрли ишларни туманнинг бошқа ҳудудларида, айнан “Ойдинобод” МФЙ Ёшлик кўчасида жойлашган 6 та уй-жойларда давом эттириш режалаштирилган.
Куйичирчик тумани “Навқирон” МФЙ Навқирон кўчасидаги 14-домнинг томи БСК томонидан таъмирланмокда. 120 метр квадрат қисми. Фальгаизол билан ёпилган том шифер билан ёпилмокда.
Маълумот учун, Тумандаги 25 та кўп квартирали уйлар “Do‘stobod Clean Citi” БСК хизмат кўрсатади.
24/7 кўрсатувчи диспетчерлик хизмати телефон рақами ☎️ 70 56-72-601, 90 918-99-02, 97 707-02-09
БСК раҳбари Рустамов Баҳтиёр Рахимович, 📞 тел.: 99 846-32-09
Манзили: Навқирон кўчаси 31-уй.
Куйичирчик тумани уй-жой коммунал хизмат кўрсатиш бўлими ахборот хизмати