Toshkent viloyati Uy-joy kommunal xizmat ko‘rsatish boshqarmasi: Nurafshon shahri “Muqimiy” MFY ko‘p qavatli 143/150-uy mulkdorlarning murojaatlari ijobiy hal etildi (Foto)

Bosh sahifa | Русский язык

Nurafshon shahri “Muqimiy” MFY Toshkent yo‘li ko‘chasi ko‘p qavatli 143/150-uyda bir necha oy davomida lift ishlamayotganligi sababli, uy mulkdorlari tomonidan 2023-yilning 11-yanvar kuni tegishli tartibda yo‘llangan murojaat bo‘yicha Nurafshon shahar hokimining o‘rinbosari S.Ubaydullaev, shahar Xalq qabulxonasi mudiri T.Daniyarov, shahar hokimligi ijro intizomi bo‘yicha mutaxassisi Sh.Mahmudov, Uy-joy kommunal boʼlimi boshlig‘i X.Chorievlar ishtirokida tezkor ishchi guruh tuzildi.

Ishchi guruh tomonidan murojaatni joyida o‘rganisharkan, “Istiqbol Invest” MChJ pudratchi tomonidan belgilangan ish rejasiga muvofiq, o‘z muddatida ko‘p qavatli uyning lifti ishga tushirilmaganligi ma’lum bo‘ldi.

Ishchi guruh tezkor tadbiri natijasida bu muammolar tegishli tartibda bartaraf etildi.

Joriy yilning 19-yanvarida ko‘p qavatli 143/150-uy mulkdori murojaatchilari Ishchi guruh bilan suhbatlashisharkan, lift bilan bog‘liq kamchiliklar o‘z vaqtida tezkorlik bilan bartaraf etilganligini hamda biriktirilgan masʼul mutasaddi tashkilot rahbar-xodimlarga o‘z minnatdorchiligini bildirishdi.

Toshkent viloyati Uy-joy kommunal xizmat koʼrsatish boshqarmasi matbuot xizmati