“Yuridik kadrlarni uzluksiz kasbiy rivojlantirish tizimining zamonaviy va samarali mexanizmlari: milliy va xorijiy tajriba” mavzusida xalqaro ilmiy-amaliy konferensiya bo'lib o'tadi.

Konferensiyadan ko‘zlangan maqsad – 2022–2026-yillarga mo‘ljallangan Yangi O‘zbekistonning taraqqiyot strategiyasi asosida yuridik kadrlarni uzluksiz kasbiy rivojlantirish sohasida mamlakatimizda amalga oshirilayotgan tizimli islohotlar va ularning ijobiy natijasini xalqaro hamjamiyatga yetkazish, shuningdek, mazkur yo‘nalishdagi xalqaro tajribani o‘rganish asosida yuridik kadrlarni tayyorlash, qayta tayyorlash va malakasini oshirish tizimini tubdan qayta ko‘rib chiqish va yanada rivojlantirish istiqbollarini belgilab olishdan iborat.

Konferensiya ishining asosiy yo‘nalishlari:
-yuridik kadrlarning uzluksiz kasbiy rivojlantirish tizimi;

-yuridik fan va huquqni qo‘llash amaliyotining dolzarb muammolari;

-yuridik ta’limdagi innovatsiyalar: mavjud muammo va yangi imkoniyatlar;

-yuridik amaliyot va ta’limning raqamli transformasiyasi;

-sud, prokuratura va adliya organlari faoliyatining dolzarb masalalari;

-fuqarolik, oilaviy, mehnat, moliya va ekologik huquq sohasidagi jamoat munosabatlarini huquqiy tartibga solish masalalari;

-jinoyat huquqi va kriminologiyaning nazariy va amaliy muammolari;

-korrupsiyaga qarshi kurashish muammolari;

-xalqaro huquq va inson huquqlari.