Абай әлемі

Халықаралық конференция

Хабарландыру!

А. С. Пушкин атындағы Түркістан облыстық әмбебап ғылыми кітапханасы мен Ә.Науай атындағы Өзбекстан Ұлттық кітапханасы бірлесіп, Қазақстан Республикасының Өзбекстан Республикасындағы Елшілігінің және Түркістан облыстық Мәдениет басқармасының қолдауымен "Абай Әлемі" Халықаралық конференциясын ұйымдастырады.

Өткізу күні: 5 маусым 2020 ж.
Өткізілетін уақыты: Нұр-сұлтан 12:00,
Ташкент 11:00
Онлайн конференция ZOOM платформасында өтеді.
Қазақстан Республикасынан қатысушылар: ҚР-дағы Елшілігінің өкілдері, зиялы қауым өкілдері, ғалымдар, БАҚ өкілдері, кітапхана басшылары мен қызметкерлері.
Өзбекстан Республикасынан қатысушылар: Өзбекстан Республикасының Ұлттық кітапханасының өкілдері, зиялы қауым өкілдері, ғалымдар, педагогтар, БАҚ өкілдері.
Конференция спикерлері: ӨР-дағы ҚР Елшілігінің өкілдері, ғалым-абайтанушы, ғалым-оқытушылар, БАҚ өкілдері, кітапханашылар.
Бейне-конференцияның мақсаты: Ұлы Абайдың шығармаларында терең ойлауды насихаттау, халықаралық конференция арқылы оның әлемімен танысу. Бауырлас Өзбекстанда осы бағытты қамтитын ауқымды жобалармен танысу.
Биыл Абай Құнанбаевтың туғанына 175 жыл толады. Қазақстан Республикасы Президентінің тікелей қолдауымен және бастамасымен Қазақстанда Абай жылы басталды.
Абай - қазақ халқының ұлттық мақтанышы. Абай шығармаларында ғана қазақ даласының табиғаты, қазақ өмірінің шынайылығы, қазақ халқының сезімі, армандары мен тілегі, ұлттық қасиеттері көрініс табады. Абай-ұлы ақын, дана ойшыл. Ақынның шығармаларын оқи отырып, біз оның адам жаны мен уақыт талаптарын жақсы түсінген талант иесі болғанына көз жеткіземіз. Абай өзінің адамгершілік, гуманистік, қоғамдық, эстетикалық ізденістерімен, әлемдік мәдениеттің жетістіктерімен әуестенеді және өзі жаңа жоғары деңгейге көтерілді,осылайша жалпы адамзаттық идеяларға жол тапты. Ол елді біріктіруге, дамыған көршілермен ынтымақтастыққа шақырды.
Конференцияны өткізу барысы фейсбук әлеуметтік желісі арқылы тікелей эфирде көрсетіледі.

Ұйымдастыру алқасы.