Масофавий иш услубида китобхонлар билан мулоқот
Бугун барчамиз уйда ўтириб, ер куррасини симобдек қалқитаётган бу хатарнинг тезроқ бартараф бўлишини Яратгандан сўраябмиз.
Мамлакатимизда жуда катта суръатлар билан бу балони йўқ килишга ҳамма тизимда кураш бошланди. Оммавий ахборот воситалари телеэкранлар, радио, газета ва бошқа тизимларда ўз меҳнатларини аямаяптилар. Соғлиқни сақлаш вазирлиги туну кун касалхоналарда беморларга, карантиндаги инсонларга холис ёрдам кўрсатмоқдалар.
Санитария эпидемиология станцияси ходимлари бутун республикамиз бўйлаб дезинфекция қилиш, бошқа соха ходимлари ҳам хар жабҳада жонбозлик кўрсатишмоқда. Фидоийларимизга минг рахмат, кунни кунга тунни тунга улаб, ўз ҳаётини ўйламай хатарнинг кўзига тик боқаяптилар.
Пандемияни олдини олиш, таҳликалий карантин даврида аҳолини бўш вақтларини сермазмун ўтказишлари учун Учтепа тумани АКМ ходимлари ҳам китобхонлар хизматидадурлар. Зиммадаги маъсулиятни бажариш учун астоидил ҳаракат қилмоқдалар.
Масофавий иш услубида Учтепа ахборот кутубхона маркази
https://t.me/akm_uchtepat.me//elektron_kutubxona_uchtepat.me//audio_kutubxonauchtepa
каби ижтимоий тармоқлари орқали сиз азиз китобхонлар учун китобларни электрон шакллари, аудио китоблар, эртаклар, видео роликлар, мультфильмлар, моҳир қўллар, топишмоқларнинг манбаалари ўзбек ва рус тилларида, лотин ва кирил алифбосида бериб борилади.
Хозирги кунда электрон кутубхона тушунчаларига кўплаб мурожаат қилинмоқда. Сабаби интернет тармоқлари юксак чўққиларни забт этиши ва китобхонларнинг интелектуал эҳтиёжларини, ҳамда уларнинг китоб ўқиш маданиятини шакллантиришда ёрдам бермоқда.
АКМ электрон кутубхонасида сиз севган ёзувчи ва шоирлар асарларини мутоолаа қилиш билан бирга уларнинг ҳаёти ва ижодлари билан яқиндан танишасизлар.
Аудио кутубхонамизда дарғаларимиздан Шукур Бурхонов, Олим Хўжаев ва бошқа машҳур актерлар архивларидан бетакрор овозларида спектакль, инсценировкаларни ва шу билан биргаликда овозли китобларни тинглаш имкониятига эга бўласизлар.
Жажжи болажонларимизни эртаклар оламига таклиф қиламиз. Бунда сизларга
https://t.me/detskiy_mir_uchtepa
https://t.me/bolalar_olami_uchtepa
каналлари ёрдам беради. Линкни боссангиз ғаройиб оламга тушасиз. Бу ерда сизларни қизикарли мультфильмлар, ўзбек, рус, ғарб эртак қахрамонлари кутиб оладилар. Бу макондан олам олам тааъсуротлар оласиз.
Азизлар уйда қолиб санитария-гигиенага, тартиб интизомга риоя қилсак бу кунларни тезроқ енгиб ўтамиз. Карантин тугаб, ёриқ кунларга етиб келганимизда, сиз азиз китобхонларга бунданда кўпрок имкониятлар яратиш истагидамиз. Кутубхонага ташриф буюриб минглаб дунё ёзувчиларининг нодир асарларидан бахраманд бўласиз деган умиддамиз. Хозирда эса биз ҳам фидоий бўлайлик, Ҳукуматимиз чақириғига амал қилиб, уйда қолиб, оиламиз билан биргаликда китоб мутоолаа қилайлик, тансиқ ва витаминга бой таомлардан тановвул қилсак, коронавирус балосидан тез кунларда фориғ бўламиз Иншаоллох.
Келинг бир биримизга вирус эмас муҳаббат улашайлик.
Учтепа тумани директори вазифасини бажарувчи Б.Х.Ходжаева.