"Бепул ҳуқуқий маслаҳат билан ҳар бир уйга" шиори остида янги ташкил этилган ҳуқуқий тизим ижроси!
Давлат раҳбаринг 8 октябрдаги йиғилишида хуқуқий тарғибот ва қонун-ҳужжатларининг мазмун моҳиятини ижрочи ва аҳолиги етказишда бир қатор ижобий ишлар амалга оширилган бўлсада, манзилли ҳуқуқй тарғиботни амалга ошириш аҳолининг турли тоифалари, хусусан аёллар ва ёшларнинг ҳуқуқий онгини ошириш борасидаги ишлар етарли даражада ташкил этилмаганлиги такидланганди.
Шу боис мазкур соҳадаги ишларни жонлантириш ва Адлия вазирлиги тизимида янгича услубни такшил этиш ҳақидаги вазирлик кўрсатмасига асосан туман адлия бўлимлари томонидан "Бепул ҳуқуқий маслаҳат билан ҳар бир уйга" шиори остида янги ҳуқуқий тизим асоссида хуқуқий тарғибот ва қонун-ҳужжатларининг мазмун моҳиятини ижрочи ва аҳолиги етказиш йўлга қўйилди.
Жумладан, жойларда уйма уй юрган ҳолда аҳолининг айниқса темир дафтарларга киритилган аёллар ва ёшлар ўртасида ҳуқуқий тушунтириш ва маслаҳат бериш борасида туман адлия бўлими томонидан 14,15, 21, 22, 23 октябр куни 100 дан ортиқ хонадонларга ташриф буюрилди.
ушбу ташрифлар давомида аҳолига ҳуқуқий тушунтиришлар бериш билан биргаликда, уларнинг қийнаб келаётган ижтимоий ва ҳуқуқий масалаларда ҳам бўлим ходимлари ўз тажриба ва маслаҳатлари беришди.
Бундан ташқари, ушбу "Бепул ҳуқуқий маслаҳат билан ҳар бир уйга" шиори остида ташкил этилган янги ҳуқуқий тизим ижроси асосида энг олис ва бориш қийин бўлган жойларда сайёр қабуллар ташкил этилмоқда.
Хусусан, 22 октябр куни тумандаги "Янги турмуш" маҳалласида анашундай тадбир ташкил этилди.
Зеро, бугунги кунда халқ ичига кириб бориб, уларнинг дарду ташвишларини эшитиш ҳар бир вазирлик ва идораларнинг асосий фаолият мезонига айланмоқда.
Шу орқали ҳар бир мурожаат атрофлича ўрганилиб, уларнинг ечимлари қонун талаблари асосида ҳал қилиниши ҳамда фуқароларнинг битта бўлса ҳам муаммоси ечилиши билан бирга уларнинг давлат идораларига бўлган ишончи ҳам ортишига еришилмоқда.
Бундан ташқари, мазкур тизим орқали адлия ходимлари томонидан секторр раҳбарлари билан биргаликда ҳар ҳафтада секторларда ҳам ҳуқуқий маслаҳат бериш йўлга қўйилди.
Бу ҳам ўз навбатида секторларнинг ишининг бироз бўлсада енгиллатишга ёрдамлашади.
ЖАРҚЎРҒОН ТУМАН АДЛИЯ БЎЛИМИ!