Yangi prezident mehnat immigratsiyasini kengaytirishi mumkinmi?

Janubiy Koreyada bo‘lib o‘tgan prezidentlik saylovlarida muxolifat – Demokratik partiya nomzodi Li Jye Myon g‘alaba qozondi. Endi esa ko‘pchilikni qiziqtirayotgan savol: Yangi rahbar migratsiya siyosatida qanday yo‘l tutadi?

🔹 Hozirgi holat qanday?
Koreyada mehnatga layoqatli aholining qisqarishi, ayniqsa viloyatlarda ishchi kuchiga bo‘lgan ehtiyoj kuchaymoqda. Hozirda Koreyada yashayotgan o‘zbekistonliklar soni 94 mingdan ortiq bo‘lib, ular chet elliklar orasida eng katta guruhlardan biri sanaladi.

🔹 Li Jye Myon nimani va’da qilmoqda?
Yangi prezident amaliy (pragmatik) yondashuv tarafdori sifatida xorijlik ishchilarga ehtiyoj borligini tan olmoqda. U immigratsiya siyosatini mamlakat manfaatlariga moslashtirish, sanoat amaliyoti va mehnat migratsiyasi imkoniyatlarini kengaytirish tarafdori.

🔹 Bu o‘zbekistonliklar uchun nimani anglatadi?
✅ Koreyaga ishlash uchun kelish imkoniyatlari ko‘payishi mumkin
✅ Rasmiy ish ruxsatnomalari, trening va til kurslari kabi dasturlar kengaytirilishi ehtimoli yuqori
✅ O‘zbekiston va Koreya o‘rtasidagi mehnat migratsiyasi bo‘yicha hamkorlik mustahkamlanadi

💬 Xulosa: Koreya hukumati nafaqat AQSh, balki Markaziy Osiyo davlatlari, xususan O‘zbekiston bilan ham strategik hamkorlikni kuchaytirishni rejalashtirmoqda. Shunday ekan, yangi davrda o‘zbekistonlik ishchilar uchun yangi imkoniyatlar eshigi ochilishi mumkin.

Yangi prezident O‘zbekistonga tashrif buyurishi mumkinmi?

Men tez orada O‘zbekiston prezidenti va Koreyaning yangi rahbari uchrashadi deb o‘ylayman. O‘tgan yili Janubiy Koreya prezidenti O‘zbekistonga tashrifini amalga oshirgan edi, shuning uchun javob tariqasida O‘zbekiston yetakchisi Seulga javob tashrifni uyushtirishi ham mumkin. Agar unday bo‘lmasa-da o‘tgan yilgi prezidentlar uchrashuvida Janubiy Koreya va Markaziy Osiyo rahbarlari uchrashishiga kelishilgan edi. Afsuski, bizning mamlakatimizdagi siyosiy beqarorlik sabab ushbu tashabbus amalga oshmagan edi. Menimcha ushbu tadbir Seulda tashkil etiladi va shunda davlatlarimiz rahbarlari uchrashishi uchun imkon bo‘ladi. O‘zaro diplomatik aloqalarni yaxshilash orqali tez orada oliy darajadagi uchrashuvlar bo‘lishini intiqlik bilan kutib qolaman. Hankuk xalqaro universiteti Markaziy Osiyo fakulteti rahbari Li Ji-Eun