2021 ЙИЛ БАҲОР-ЁЗ МАВСУМИ УЧУН СУМКАЛАР
Аёллар сумкаси- нозик хилқат эгаларининг энг севимли аксессуари саналади. Ҳар бир аёл ўзига хос сумкалар коллекциясини йиғишга қизиқади. Бироқ, мода оламининг тез янгиланиши эса уларга мавсумга қараб бу аксессуарларни ўзгартиришни талаб этади. #Trend рукни орқали сизга айнан баҳор-ёз мавсумида урфга кирган сумкалар ҳақида маълумот берамиз.
“Оversize”
Ҳажми катта сумкалар доимо трендда бўлган. Машҳур брендлар мода ҳафталикларида айнан ушбу турдаги сумкаларни кенг ассортиментини намойиш қилмоқда. Ойлар давомида жўзилган ўзини-ўзи яккалаш тизими дизайнерларга ушбу сумкага барча буюмларни жойлаштириш имкони бўлиши керак деган ғояни туғдирган бўлса ажаб эмас. “Valentino”, “Givenchy” ва “Tod's” брендлари мавсумнинг энг оригинал моделларини намойиш этди.
“Мini”
“Fendi” бренди каби кўплаб ишлаб чиқарувчилар эса мавсум учун катта ҳажмдаги сумкалардан фарқли ўлароқ заргарлик буюмларини солишга мослаштирилган кичик сумкаларни тақдим этмоқда. Сумкалар белбоғ ва маржонлар билан бойитилган. “Tommy Hilfiger” ва “Calvin Klein” брендлари ҳам мавсум учун кичик аммо кундалик ҳаётда фойдаланишга мўлжалланган DKNY ва №21 сумкаларини тақдим этди.
Янги геометрик шакллар
Янги шаклларни излаш одатий нарсаларни қайта кўриб чиқишни талаб этади. “Versace” брендининг тақдимотида бўлганларни айлана шаклдаги сумкалар ажаблантирмаган бўлсада, бироқ “Coach” учбурчаклари, “Copernic” трапецияси ва “16Аrlington” багеталари эътиборни тартиши аниқ. Шу боисдан бренд мавсум учун янги геометрик шаклларни ишлаб чиқишга қарор қилди. Бунинг учун эса аксессуарлардан фойдаланиш мақсадга мувофиқ дея топилди. Ўзига хос шаклдаги замонавий сумкалар чекланган рангларда тақдим этилади. Дизайнерлар аёллар ҳар қандай аксессуар билан фойдаланиш мумкин бўлган сумкаларни яратишни мақсад қилди.
Ортиқча оро берилмаган халта сумкалар
Одатий ранг ва шаклга эга халта кўринишидаги сумкалар бугунги кунда эко-тренднинг асосий юзи саналади. Бу сумкалар бир вақтнинг ўзида ҳам шаҳар ҳам дам олиш зоналари муҳитини ўзида жамлаган.
Ўзининг ҳажми сабаб унга исталган бюмни жойлаштириш имкони бор. “Kenzo” ва “Dragon” брендлари айнан мана шу турлаги сумкалар коллекциясини бу йилга мавсум учун тақдим этди. Дизайнерлар хендмей-техника усулидан фойдаланган холда уларни янада бойитиш мумкинлигини такидламоқда. “Rebecca Taylor” ушбу сумкаларни узун чизиқлар билан бойитди. “Fendi” – нозик ипли клачлар қўшди. “Alberta Ferretti” эса ёғоч нақишларидан фойдаланди.
Конверт-клатчлар
Ушбу турдаги сумка моделлари ўз кўринишидан келиб чиқиб бу номни олди. Сумканинг олд қисми ёпилганда у муҳрланган конвертга ўхшайди. “Louis Vuitton”, “Balmain”, “Dior” ва “Schiaparelli” брендлари ушбу сумкаларнинг катта ҳажмдагисини яратди. Бу сумкалардан кундалик ҳаётда ёки бўлмасам ҳужжатлар учун ғилоф сифатида фойдаланиш мумкин. Агар сизга доимий қўллаш учун конверт клачлар керак бўлса унда “Valentino di Mario”, “Girls Power” ва “Kenzo” брендларига мурожаат қилинг. Уларнинг бу турдаги сумкалари занжир боғичлар билан бойитилган бўлиб уни бемалол елкада осиб юриш ҳам мумкин.
