#BrandsOfTheWorld

#BrandsOfTheWorld рукни орқали бугун сизга дунёда ўз номи ва мижозларига эга Испаниянинг “UNISA” брендининг маҳсулотлари ҳақида маълумот берамиз.

Мазкур марка 1973 йилда икки бизнесмен Карлос Муссо ва Антонио Порта томонидан ташкил этилган. Даставвал компания асосан экспорт билан шуғулланади. Аммо, асосчилар Испаниянинг миллий маҳсулотини яратиш ва Ўртаерденгизи колоритига хос брендини яратишни мақсад қилишганидан сўнг барчаси янгича тизимга ўтади. Дастлаб, “Эспадрили” номи билан танилган енгил тапочкалар ишлаб чиқарила бошланган. Айнан ўша вақтдан дизайнерлар Эльче шаҳарчасининг кўхна обидалари ва кўча кафеларидан илҳомланиб, “UNISA” брендига ҳам асос солади.

Муссо ва Порта ўз маҳсулотларини яратишга бутун дунёдан ёш иқтидорли дизайнерларни жалб қила бошлайди. Айнан уларнинг маҳорати ва ўзига хос ишлари компанияни секин аста жаҳонга танитади. Натижада “UNISA” аёллар пойабзалларини ишлаб чиқарувчи Испаниядаги таниқли фирмалардан бирига айланади. Шунингдек, Европа ва Америкада ҳам бу компания маҳсулотларига қизиқиш ортади.

“UNISA”нинг нозик дид билан ишланган пойабзаллари аёлларнинг ўзига бўлган ишончи ва ўз стилларини яратишига хизмат қилмоқда. Табиий маҳсулотлардан тайёрланган пойабзаллар қулай, ишончли ва сифат жиҳатдан барча талабларга жавоб беради. Айни вақтда енгил, кундалик оёқ кийимлардан тортиб, классик моделларни қамраб олган наъмуналар ишлаб чиқарилиб, харидорларга тақдим этилмоқда.