#BrandsOfTheWorld
#BrandsOfTheWorld рукни орқали бугун сизга “Schott NYC” компанияси ҳақида маълумот берамиз. Қарийб 80 йилдан ортиқ тарихга эга компания Levi's бренди остида 501 модел жинси шимлари хамда “Converse Chuck Taylor” кедалари билан бир қаторда хақиқий Америка стилини ўзига қамраб олган.
Камдан-кам холларда Америка брендларининг ривожланиш тарихи мигрантларга бориб тақалади. Бироқ, “Schott” маркасининг тарихи айнан шу томонлама фарқлидир. Маркага 1913 йилда Россиядан Америкага келган ака-ука Ирвин ва Жек Шоттлар асос солган. Дастлаб улар ўз ишлаб чиқаришини Манхэттендаги ижарага олинган уйларининг ер тўласидан бошлаган. Ўша вақтда улар қўл меҳнати ёрдамида қўй терисидан плащлар тикишни бошлаган. Йиллар ўтиб ишлаб чиқариш хажми ортди. Бора-бора ўзларининг дастлабки профессионал фабрикаларини очди.
Айнан, ака-ука Шоттлар 1920 йилда ташқи кийимлар ишлаб чиқаришда инқилобни амалга оширди. Улар ўз курткаларига чақмоқ рангили безакларни киритишни бошлади. 1928 йилда эса мотопойгачилар учун биринчи чарм курткалар афсонавий “Perfecto” тақдим этилди. Harley Davidson ушбу курткаларни сотиш учун диллерлик қилди. 1953 йилда экранга чиққан “The Wild One” фильми бош рол ижрочиси Marlon Brando ушбу курткани кийиб чиққанидан сўнг модел тез фурсатда оммалашди. Бироқ ушбу моделни танқид қилувчилар ҳам учради. Ҳатто мактаб ўқувчиларига бу курткаларни кийиш ман этилди. Аммо бу тақиқлар уларда курткаларга бўлган қизиқишни янада оширишга хизмат қилди холос.
Йиллар ўтиши билан бу курткалар актёрлар, мусиқачилар орасида оммалашиб борди. Улар орасида James Dean, Bruce Springsteen каби санаткорлар бор эди. “Schott” маркаси курткалари хатто терминатор фильмида Арнольд Шварценеггер учун махсус танланди. Қора рангли чармдан тайёрланган курткалар бора-бора ёшларнинг кундалик хаётида фойдаланадиган атрибутига айланади.
Бугунги кунга келиб эса “Schott NYC” фирмаси Америка кийим-кечак олами ва маданиятида хақиқий афсонага айланиб улгурди. 2013 йилда компания ўзининг 100 йиллигини нишонлади. Компания ўз ананаларини сақлаб қолган. Уларга ҳамон Шоттлар оиласининг тўртинчи сулоси бошчилик қилади. Кийим-кечакларнинг асосий қисми эса АҚШда тикилади. Савдо тармоқлари Нью-Йорк, Сан-Франциско, Лос-Анджелесда жойлашган. Компания онлайн савдоларда ҳам анча фаолдир.