Москва шахридаги 85-чи халқаро “MosShoes” чарм-пойабзал, аксессуарлар ва бутловчи материаллар кўргазмаси

Москва шахрида 85-чи халқаро “MosShoes” чарм-пойабзал, аксессуарлар ва бутловчи материаллар кўргазмаси ўз ишини бошлади. “Ўзчармсаноат” уюшмасининг жамоавий стендида уюшмага аъзо 20 дан ортиқ корхонанинг чарм-пойабзал, чарм-атторлик ва мўйна маҳсулотлари ўрин олди.

Кўргазманинг дастлабки кунида соҳа корхоналари қатор хорижий компаниялар билан музокаралар ўтказди. Россия, Туркия, Хитой компаниялари Ўзбекистон чарм-пойабзал маҳсулотларини харид қилиш бўйича манфаатли таклифларни илгари суришди. Жумладан, Россиянинг “Садовод” савдо тармоғи “Ўзбекистонда ишлаб чиқарилган” ёрлиғи остидаги чарм-пойабзал, чарм-атторлик буюмларини ўз савдо комплексларида савдосини йўлга қўйишга қизиқиш билдирди.

Франциянинг “Mephisto” компанияси эса аутсорсинг асосида Ўзбекистонда Франция бренди остида спорт пойабзалларини ишлаб чиқаришни мақсад қилмоқда. Кўргазма ўз ишини давом эттирмоқда.