“ADIDAS” ҚЎЗИҚОРИННИ СИНТЕЗЛАШ ОРҚАЛИ ОЛИНГАН ЧАРМДАН КРОССОВКАЛАР ИШЛАБ ЧИҚАРИШНИ БОШЛАДИ

“Adidas” компанияси қўзиқориндан олинган “Mylo” инновацион материалидан фойдаланган холда янги кроссовкаларнинг дастлабки моделини ишлаб чиқарди. Ушбу материал тайёр чармдек ишланган. Ушбу моделлар орқали бренд атроф-муҳитни зарарлантиришга қарши курашишни мақсад қилган. #Trend рукни орқали айнан ушбу материал ҳақида маълумот берамиз.

“Stan Smith” - “қўзиқорин”дан ишланган биринчи пойабзал ҳисобланади. Компания такидлаганидек, “Mylo” универсал материал ҳисобланади. Шу боис у исталган рангни қабул қилади. Тикиш мумкин. Ҳаттоки унга ишлов бериш имкони бор. Материал ўз таркибида юмшоқлик ва эгилувчанликни жамлаган. Табиий чармдан асло фарқ қилмайди. Фақатгина экологик тоза ва қайта тикланувчан.

Янги материал қайта тикланувчи “Mylo” қўзиқоринларидан олинади. Ушбу қўзиқоринларни икки ҳафта ичида етиштириш имкони бор. Бу жараёнда янги технологиялар жорий қилиб борилса уни янада кўпроқ етишитириш мумкин.
Янги коллекция концепцияси “Adidas” ва “Bolt Threads” биотехнология компанияси ҳамкорлигида ишлаб чиқилди. “adidas Stan Smith Mylo” айнан компаниянинг пластик материаллар ишлаб чиқаришдан воз кечиш дастурининг бир қисмидир.Бу ўз навбатида ишлаб чиқаришда юзага келиши мумкин бўлган жавобгарликларнинг олдини олади.

Қўзиқориндан олинган экоматериал мода индустриясида янада кенг қўлланилмоқда. Ушбу материалдан “Hermès” ва “Stella McCartney” брендлари ҳам фойдаланишни бошлаган.